Ntha 24:16 - ÎVUKU RÎA ÛVORO MWARO

¹⁶ Naguo riiri wa Ngai-Mûnene nîwanyûrûrûkire ûgîûka kîrîmarî kîu. Narîo îtu nîrîekarire rîkunîkîrîte kîrîma mîthenya îtandatû. Na mûthenya wa mûgwanja Ngai-Mûnene arî îtuurî rîu nîwetire Musa.

Ntha 24:16 ပူးပေါင်းရင်းမြစ်များ

Thaburi 99:7

Nîwamaarîrie arî gîtugîrî gîa îtu; nîmaathîkîre kîrîra gîake na mawatho marîa aamaveere.

Ntha 16:10

Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Ntha 20:10

Nwatî mûthenya wa mûgwanja nî thavatû yakwa nie, Ngai-Mûnene, Ngai waku. Mûthenya ûcio we ndûkarute wîra wanarî ûrîkû, we mwene, kana mûvîcîguo, kana mwarîguo. Wana ndungata ya mûndû mûrûme kana ya mûndûmûka itikarute wîra, kana ndîthia yaku, kana mûgeni ûrîa ûrî gwaku mûciî.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Alawi 9:23

Musa na Aroni nîmaatonyire îgemarî rîa Ngai-Mûnene, na rîrîa maaumire kuo, nîmaarathimire andû naguo riiri wa Ngai-Mûnene nîwaumîrîre andû onthe.

Alawi 9:6

Musa nîwerire andû atîrî, “Ngai-Mûnene amwathîte mûvingie maûndû mau monthe nîguo riiri wake ûmumîrîre.”

Ndari 14:10

Nwatî andû onthe a Isiraeli nîmeendire kûûraga Joshua na Kalebu na mathiga. Wa rîmwe Ngai-Mûnene nîwaumîrîre andû onthe a Isiraeli na riiri mûnene ûrîa moonire ûrî îgûrû rîa îgema rîa Ngai-Mûnene.

Ndari 16:42

Na vîndî îo andû a Isiraeli maagomanîte makîreganaga na Musa na Aroni, nîmaavûgûkîre îgema rîa Ngai-Mûnene na makîona rîkunîkîrîtwe nî îtu. Naguo riiri wa Ngai-Mûnene nîwaumîrire.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.