Ntha 24:15 - ÎVUKU RÎA ÛVORO MWARO

¹⁵ Nake Musa nîwaunûkirie kîrîmarî gîa Sinai na îtu rîgîgîkunîkîra.

Ntha 24:15 ပူးပေါင်းရင်းမြစ်များ

2Maû 6:1

Mûthamaki Solomoni nîwacokire akiuga atîrî, “Ngai-Mûnene, we ûtuîte ûtûûrage ndumarî ndumanu.

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 19:20

Ngai-Mûnene nîwanyûrûrûkire akîthiî kîrîmarî gîa Sinai îgûrû na agîîta Musa athiî vo. Musa nîwaunûkirie,

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Ntha 24:16

Naguo riiri wa Ngai-Mûnene nîwanyûrûrûkire ûgîûka kîrîmarî kîu. Narîo îtu nîrîekarire rîkunîkîrîte kîrîma mîthenya îtandatû. Na mûthenya wa mûgwanja Ngai-Mûnene arî îtuurî rîu nîwetire Musa.

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”