Kwoguo Jezebeli nîwandîkire maarûa vandûrî va Ahabu, akîivûûra mûvûûri wa Ahabu na agîitûma kûrî ndungata na atongoria arîa matûûraga na Nabothi îtûûrarî rîake.
Nîwocire anene a athigari a mbaara, andû arîa marî îgweta vûrûrirî, atongoria a andû na andû onthe a vûrûri, na makiumagaria mûthamaki kuuma hekarûrî. Nîmaavîtûkîrîre kîvingorî Kîam mwena wa îgûrû na magîkinya mûciî kwa mûthamaki, na magîkarîria mûthamaki gîtîrî gîake Kîam ûnene.
Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.
Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.
Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.
Kîthima kîrîa athamaki meenjire na gîkînjwa nî atongoria a andû, na mûragi wa ûtongoria na mîtî yao.” Andû a Isiraeli nîmaaumire werûrî na makîthiî Matana.