Ntha 23:8 - ÎVUKU RÎA ÛVORO MWARO

⁸ Ndûkamûkîre îvaki, nîûndû îvaki nîrîvingaga acirithania metho na makarega kwona kîvooto na rîgacûkia ciira wa arîa matevîtie.

Ntha 23:8 ပူးပေါင်းရင်းမြစ်များ

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Thaburi 26:10

andû arîa mekaga maûndû macûku vîndî cionthe, andû mecûrîtwe nî maûndû ma mavaki.

Nthi 15:27

Andû arîa mendaga kûgîa ûtonga na njîra îtarî mbagîrîru matûmaga mîciî yao îgîe na thîna, nwatî andû arîa mathûrîte mavaki nî matûûraga îvinda îraca.

Nthi 17:23

Mûndû mwaganu ocaga îvaki na nthitho, nîguo ndakarûmîrîre kîvooto.

Nthi 17:8

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 19:4

Ûtonga ûtûmaga mûndû agîe na arata vîndî cionthe, nwatî athîni nîmatigagwa nî arata ao.

Mûvunjia 7:7

Kûvinyanîrîria gûtûmaga mûndû mûûgî atuîka kîrimû, kûvakana gûtûmaga meciria macûke.

Isaia 1:13

Mûtikarete matega matarî na vata kûrî nie. Ûbani ûrîa mûvîvagia nî mûgiro kûrî nie. Ndikwenda mûkûngûagîre Kîamthî Kîam mweri ûgîcicûka, thavatû na igomano cia mavoya; nîûndû cionthe ciîcûrîtwe nî mevia.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 33:15

Nî mûndû ûrîa ûtûûraga na ûthingu na waragia ûma, ûrîa ûreganaga na umithio umanîte na kûvinyanîrîria. Ûrîa ûtendaga kwamûkîra mavaki, ûrîa ûtendaga kûthikîrîria ndeto cia ûûragani na ûtendaga kwona maûndû macûku.

Isaia 5:22

Mue arîa mwatuîkîte tûnavû twa ndivei kaî mûrî na thîna-î! njorua cia kûnyua mîthemba mwanyamwanya ya njovi.

Isaia 5:23

Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Hosea 4:18

Gîkundi Kîam mîrîu kîîviraga kîo kîene ûmaraarî; nîkîendete gîconoko gûkîra kûvewa gîtîîo.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.