Ntha 23:31 - ÎVUKU RÎA ÛVORO MWARO

³¹ Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Ntha 23:31 ပူးပေါင်းရင်းမြစ်များ

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

1Atha 11:2

Ngai-Mûnene nîwathîte Aisiraeli atî matikavikie aka a kuuma mavûrûrirî mau kana arûme a mavûrûri mau mavikia erîtu a Isiraeli, nîûndû nwa matûme andû a Isiraeli mathîkagîre ngai ciao. Nwatî Solomoni nîwavikirie aka kuuma mavûrûrirî mau.

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

1Atha 4:24

Solomoni aathanaga vûrûrirî wonthe ûrîa ûrî mwena wa îthûîro wa Rûnjî rwa Farati, kuuma Tifusa nginya Gaza. Athamaki onthe a mwena wa îthûîro wa rûnjî rwa Farati maathagwa nîke, na aatûûranirie nao na thayû vamwe na mavûrûri monthe marîa maariganîtie nake.

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Maû 9:26

Solomoni nîke warî mûthamaki mûnene gûkîra athamaki onthe arîa maathanaga kuuma rûnjîrî rwa Farati nginya vûrûrirî wa Afilisiti, na nginya mûvakarî vûrûri wa Misiri.

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Ndari 21:34

Nwatî Ngai-Mûnene nîwerire Musa atîrî, “Ndûkamwîtigîre, nîûndû nîngûkûvotithia kûmûvoota, andû ake onthe wana vûrûri wake. Mwîke wata ûrîa wekire Sihoni, mûthamaki wa Amori ûrîa wathanaga Heshiboni.”

Ndari 34:2

ere andû a Isiraeli atîrî, “Rîrîa mûgaatonya Kanaani vûrûri ûrîa ngaamûva ûtuîke wenyu, mîvaka yakuo îkethîrwa îvana ta û:

Gûco 1:7

Ambûrani magema na mûthiî na mbere na rûgendo nginya mûkinye vûrûrirî ûrîa ûrî irîma wa Aamori, na icunjî cionthe irîa ithiûrûrûkîrrîtie vûrûri ûcio: na nîkuo Araba, vûrûri ûrîa ûrî irîma, nthî ya irîma, na Negebu. Mûthiîni vûrûrirî wa Kanaani na mûvîtûke irîma cia Lebanoni mûkinye rûnjîrî rûnene rwa Farati.

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 11:24

Kûrîa kuonthe mûkaavîtûkîrîra, gûkethîrwa kûrî kwenyu. Vûrûri wenyu ûkeethîrwa umîte werûrî nginya Lebanoni, na kuuma rûnjîrî rwa Farati nginya îria rîa Mediterania mwena wa îthûîro.

Gûco 2:33

Nake Ngai-Mûnene, Ngai wetû nîwamûrekererie kûrî tue na tûkîmûraga; tûkîûraga avîcî ake vamwe na athigari ake onthe a mbaara.

Gûco 2:36

Kuuma Aroeri, îtûûra rîrîa rîrî rûtere rwa rûnjî rwa Arinoni, na kuuma îtûûra rîrîa rîrî Kîamndarî, nginya Gileadi, gûtirî îtûûra rîarî na nthingo îngîatûremire. Ngai-Mûnene, Ngai wetû nîwatûvotithirie kwîgwatîra matûûra monthe.

Gûco 20:16

“Nwatî rîrîa mûkeegwatîra matûûra marîa marî vûrûrirî ûrîa Ngai-Mûnene Ngai wenyu akûmûva ûrî îgai rîenyu, mûkaaûraga kîndû wa kîonthe kîrî mwoyo kuo.

Gûco 3:2

Nwatî Ngai-Mûnene nîwambîrire atîrî, ‘Ndûkamwîtigîre, nîngûmûvecana kûrî we, andû ake, wana vûrûri wake wonthe. Nawe nîûkaamwîka wata ûrîa wekire Sihoni, mûthamaki wa Amori, ûrîa wathanaga arî Heshiboni.’

Gûco 6:19

na mwîngate nthû cienyu cionthe wata ûrîa Ngai-Mûnene eeranîre.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Josh 1:4

Mîvaka ya vûrûri wenyu îkethîrwa yumîte werûrî mwena wa îveti nginya mwena wa rûgûrû irîmarî cia Lebanoni. Na kuuma îriarî rîa Mediterania rîrîa rîrî mwena wa îthûîro nginya rûnjîrî rûrîa rûnene rwa Farati, ûvîtûkîrîrîte vûrûrirî wa Ahiti.

Josh 10:19

nwatî mûtigekare vo mue ene. Vinyûriani nthû na mûitharîkîre kuuma mwena wa vuva. Mûtikareke matonye matûûrarî mao, nîûndû Ngai-Mûnene, Ngai wenyu nîamûvotithîtie kûmavoota.”

Josh 10:8

Nake Ngai-Mûnene nîwerire Joshua atîrî, “Ndûkamakue nîo. Nie nîmûkûveu ûvootani. Gûtirî wana ûmwe wao ûgagwîtirîria.”

Josh 13:6

Vûrûri ûcio ûnyitanîte na gîcunjî gîa andû a Sidoni arîa matûûraga vûrûri ûrîa ûrî irîma gatagatî ga irîma cia Lebanoni na Misirefothu Maimu. Andû acio onthe nie Ngai-Mûnene nîngaamarutûrûra maume kuo rîrîa andû a Isiraeli makaathiî gûtonya mavûrûrirî mau. Mauma kuo nwanginya ûkaagaîra andû a Isiraeli vûrûri ûcio wata ûrîa nakwatha wîke.

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 21:44

Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Josh 23:14

“Rîu kavinda gakwa nîgakinyu ga gûkua. Mue muonthe nîmwicî meciriarî menyu na ngororî cienyu atî Ngai-Mûnene, Ngai wenyu nîamûvete indo cionthe mbaro irîa aamwîrîîre. Gûtirî wana kîmwe gîtavingîtue.

Josh 24:11

Nîmwaringire rûnjî rwa Jorodani na mûgîkinya Jeriko. Nao andû a Jeriko na Amori, Aperizi, Akanaani, Ahiti, Agirigashi, Ahivi na Ajebusi nîmaarûire namue. Nwatî nînaamûvotithirie kûmavoota onthe.

Josh 24:12

Nînatûmire magwatwe nî guoya nîguo mîngate athamaki aîrî a Amori. Tî vinya wenyu na indo cienyu cia mbaara ciavootanire, nînie naamavootire.

Josh 24:18

Amori nîo maatûûraga gûkû vîndî îo, nwatî Ngai-Mûnene nîwamengatire nîguo tûke tûtûûre gûkû. Kwoguo wanatue tûgaatungatagîra Ngai-Mûnene, nîke Ngai wetû.”

Josh 24:8

Nînaacokire ngîmûreta vûrûrirî wa Amori arîa maatûûraga mwena wa îrathîro wa rûnjî rwa Jorodani. Nîmwarûire nao na nînaamûvotithirie kûmavoota. Nîmwegwatîre vûrûri wao ûgîtuîka wenyu na nînaamacûkangagia wa ûrîa mwathiîcaga na mbere.

Josh 8:18

Ngai-Mûnene nîwacokire akîra Joshua atîrî, “Orotithia îtumû rîaku rîu ûnyitîte îtûûrarî rîa Ai, nîûndû nîngûtûma ûrîvoote.” Joshua nîworotithirie îtumû rîake na kûu Ai wata ûrîa eerirwe.

Josh 8:7

Namue nîmûkaauma kûrîa mûkethîrwa mwîthithîte, mûtharîkîre îtûûra na mûrînyite. Ngai-Mûnene, Ngai wenyu nîakaarîvecana kûrî mue.

Josh 9:7

Nwatî andû a Isiraeli nîmeerire Aahivi acio atîrî, “Tûngîrûtha kîrîkanîro namue atîa na nwa kwîthîrwa mûtûûraga gûkû tûrî?”

Atir 1:4

na wa Juda nîmaathiîre mbaararî vamwe. Nake Ngai-Mûnene nîwamavotithirie kûvoota Akanaani na Aperizi. Nîmaavootire andû ngiri îkûmi kûu Bezeki.

Atir 11:21

Nwatî Ngai-Mûnene, Ngai wa Isiraeli nîwarekererie Sihoni na andû ake onthe kûrî Aisiraeli na makîmavoota. Kwoguo Aisiraeli nîmegwatîre vûrûri wonthe wa Aamori arîa maatûûraga vûrûri ûcio.

1Sam 23:4

Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”