3 Ndûkonanie mûthutûkanio ciirarî wa mûthîni.
“Ndûkarege kûrûmîrîra kîvooto rîrîa mûthîni agûcirithua.
Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.
Ndûgacune mûthîni kîndû nîûndû atî ke ndarî na ûvoti, kana ûvinyîrîrie mûndû ûtarî na mûmûtethia cirarî,
Andû arîa matungaga mawatho matarî ma kîvooto kaî marî na thîna-î, mavîtûkagia mawatho ma kûvinyanîrîria.
“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.
Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.
Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’
Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.
Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.
