Ntha 23:24 - ÎVUKU RÎA ÛVORO MWARO

²⁴ Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Ntha 23:24 ပူးပေါင်းရင်းမြစ်များ

2Atha 17:11

Nîmaavîvagîria ûbani îgûrû rîa metha cionthe cia magongoona cia ngai cia maveeni, marûmîrîrîtie mîtugo îrîa yarî na andû arîa Ngai-Mûnene eengatire kuuma vûrûrirî ûcio. Nîmaarakaririe Ngai-Mûnene nîûndû wa maûndû monthe macûku marîa meekire,

2Atha 17:8

Nîmaarûmîrîre mîtugo ya andû arîa Ngai-Mûnene eengataga wa andû a Isiraeli makîonaga, na makîambîrîria gwîka maûndû marîa athamaki a Isiraeli maambîrîîrie vûrûrirî.

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

2Atha 3:2

Nîwevirie mbere ya Ngai-Mûnene, wana ethîrwa ndeevia mûno ta îthe kana ng'ina Jezebeli, nîûndû nîwacûkangirie mûvuanano wa Baali ûrîa îthe aarûthîte.

2Maû 14:2

Mûthamaki Asa nîwakenirie Ngai-Mûnene, Ngai wake na njîra ya gwîka maûndû marîa maro na magîrîru.

2Maû 25:14

Rîrîa Amazia aacokire arîkia kûvoota andû a Edomu, nîwaûkire na mîvuanano ya ngai irîa ciagoocagwa kuo na akîambîrîria kûigooca na kûirutîra magongoona.

2Maû 33:2

Nîwekire maûndû macûku mbere ya Ngai-Mûnene. Nîwarûmîrîre mîtugo mîcûku ya mavûrûri marîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Thaburi 101:3

na ndigeetîkîria ûndû mûcûku wîkwe mbere yakwa. Nînthûrîte ciîko cia andû arîa matarî evokeku, ndikaagwatanîra nao.

Ntha 20:3

“Ndûkagooce ngai îngî tiga Nie.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Ntha 23:32

Mûtikaarûthe kîrîkanîro wana kîrîkû na andû acio kana na ngai ciao.

Ntha 23:33

Mûtikanareke andû acio matûûre vûrûrirî wenyu, nîguo matigatûme mwîvie. Mûngîkaagooca ngai ciao, ûcio ûkethîrwa ûrî mûtego mûcûku mûno varî mue.”

Ntha 32:20

Nîwocire njaû ya ndegwa îo maarûthîte akîmîvîvia na mwaki akîmîthîa îgîtuîka mûtutu. Nîwatukanirie mûtutu ûcio na manjî na agîtûma andû a Isiraeli maûnyue.

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Hosea 10:2

Ngoro ciao ciîcûrîte ûthani, Rîu nwa nginya maverithue nîûndû wa mevia mao. Ngai mûnene nîakoomomora metha cia magongoona, na omomore itugî cia mathiga ciakûvoyagîrwa.

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Ndari 25:2

Aka acio nîmeetire Aisiraeli mamburarî mao ma kûrutîra ngai ciao magongoona. Andû a Isiraeli nîmaarîre irio na makîgooca ngai cia a Moabu.

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Gûco 12:3

Mûkoomomora metha ciao cia magongoona na mûcûkangie mîvuanano ya Baali na mûvîvie mîvuanano ya Ashera. Mûgaatemanga mîvuanano ya ngai ciao nîguo itikagoocwe kuo rîngî.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.