Ntha 23:15 - ÎVUKU RÎA ÛVORO MWARO

¹⁵ Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 23:15 ပူးပေါင်းရင်းမြစ်များ

Ntha 12:2

“Mweri ûyû nîguo ûgaatuîka mweri wa mbere wa mwaka wenyu.

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:4

Ûmûnthî mweri wa mbere ûrîa wîtagwa Abibu nîguo mûrauma Misiri.

Ntha 22:29

“Ndutagîra matega maku ma ngano, ndivei, na maguta ma ndamaiyû vîndî ya cio yakinya. “Mvecaga îrikithathi rîaku rîa anake.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Ntha 34:20

Nwatî îrikithathi rîa mvunda mûkaarîkûûraga na njîra ya gûtega ndûrûme vandûrî va mvunda îo. Ethîrwa mûtikaamakûûra nîmûgaaciuna ngingo. Marikithathi menyu monthe ma anake nîmûkaamakûûra. “Gûtirî mûndû ûgaaûka mbere yakwa atarî na kîndû Kîam matega.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Mika 6:6

Nîndûî ngaavirîra Ngai-Mûnene, Ngai wa îgûrû nîguo ngooce Ngai wa îgûrû? Ngaamûvirîra matega ma kûvîvua, ma tûregwa twa ûkûrû wa mwaka ûmwe?

Maariko 14:12

Mûthenya wa mbere wa Kîrugo gîa kûrîa Mîgate îrîa îtethagîrwa îkîrîtwe ndawa ya kwimbia, na ûrîa tûtûrûme twa kûrîwa vîndî ya pasaka twathînjagwa, arutwa a Jesû nîmaamûririe atîrî, “Ûrenda tûgakûvarîrîrie irio cia pasaka kû?”

Luka 2:41

Wa mwaka wa mwaka, aciari a Jesû nîmaathiîcaga Jerusalemu kîrugorî Kîam pasaka.

Luka 22:7

Mûthenya nîwakinyire vîndî ya kîrugo Kîam mîgate îrîa îtethagîrwa îkîrîtwe ndawa ya kwimbia. Mûthenya ûcio nîguo tûtûrûme twa kûrîwa vîndî ya pasaka twathînjagwa.

Ciîko 12:3

Na rîrîa Herode oonire atî ûndû ûcio nîwakenirie Ayahudi, nîwanyitithirie Petero wana ke. (Ûndû ûyû wekîkire vîndî ya Kîrugo Kîam Mîgate îrîa îtarî mîkîre ndawa ya kwimbia.)

Gûco 16:16

“Arûme onthe vûrûrirî wenyu makaathiîcaga maita mathatû wa mwaka kûgooca Ngai-Mûnene Ngai wenyu varîa akaathuura va kûgoocagîrwa vîndî ya kîrugo Kîam pasaka, Kîam maketha na gîa tûnyomba. Mûndûmûrûme wa wonthe akaaviragîra Ngai-Mûnene kîveo

1Sam 6:3

Nao athînjîri-ngai na aragûri nîmaacokirie makiuga atîrî, “Ethîrwa nîmûgûcokia îthandûkû rîa Kîrîkanîro rîa Ngai wa Isiraeli-rî, mûtikarîcokie mûtarî na kîveo. Nwanginya mûthiî mûrî na kîveo gîa kûrutîra Ngai kîgongoona nîûndû wa wîvia wenyu. Îo nîyo njîra îrîa mûkaavonua nayo mûmenye gîtûmi kîrîa kîratûmaga ekare akîmûverithagia.”