Ntha 22:25 - ÎVUKU RÎA ÛVORO MWARO

²⁵ “Mûndû ûgaakombithia ûmwe wa andû akwa arîa athîni mbeca, ndagatuîke ta mûndû ûrîa ûkombithanagia mbeca agîa na maciaro.

Ntha 22:25 ပူးပေါင်းရင်းမြစ်များ

2Atha 4:1

Mûndûmûka ûmwe wa ndigwa warî mûka wa mûndû ûmwe wa gîkundi Kîam arathi nîwathiîre kûrî Elisha na akîmwîra atîrî, “Mûthuuriwa ararî ndungata yaku na nî mûkuû. Nîwicî atî ndungata îo yaku nîîretigîrîte Ngai-Mûnene, na rîu mûndû ûrîa ûramûkombithîtie mbeca nîwecîra anake akwa oîrî nîguo magatuîke ngombo ciake.”

2Atha 4:7

Nîwathiîre na akîra Elisha ûguo. Nake Elisha nîwamwîrire atîrî, “Thiî wendie maguta mau na ûrîve thirî yaku, nawe mûrî na avîcî aku nî mûgûtûûrua mwoyo nî mau magaatigara.”

Nehemia 5:7

Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 18:17

Kethîrwa nîemenyagîrîra nîguo ndakaavîtîrie mûndû mûthîni, ndetagia umithio wa indo irîa akovithanîtie, na nîathîkagîra watho wakwa na akarûmîrîra irîra ciakwa; mûndû ta ûcio ndagaakua nîûndû wa mavîtia ma îthe. Na ma nî agaatûûra mwoyo.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 18:8

Ethîrwa mûndû ûcio ndakovithanagia kîndû nîguo akaarîvwa kîndû kîu kîrî na umithio, nîerigagîrîria ndakavîtie, na atuithanagia ciira na kîvooto gatagatî ka mûndû ûrîa ûkovete na ûrîa ûkovithanîtie.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Amosi 2:8

Mamamaga vakuvî na metha ya kîgongoona, na makamamîra nguo irîa macunîte athîni nîguo irûngamîrîre thirî wao. Manyunyagîra ndivei hekarûrî ya Ngai wao, îrîa matavîte andû maremwa nî kûrîva mathiirî.

Mathaayo 25:27

Kwoguo we nîwagîrîrwe nî kwiga mbeca ciakwa bangi nîguo naacoka njokerue irî na maciaro.’

Luka 19:23

Waregire kwiga mbeca yakwa mbangi nîkî nîguo naûka nîmîgîre îna maciaro?’

Gûco 15:7

“Kûngîthîrwa kûrî mûndû wenyu mûthîni îtûûrarî wanarî rîmwe vûrûrirî ûrîa Ngai-Mûnene Ngai wenyu akûmûva, mûtikathunie njara na mûrege kûmûtethia.

Gûco 24:13

Mûcokagîrie kîndû kîu kîvwaî wa kîu nîguo akîmama agagûcokeria ngatho, nake Ngai-Mûnene, Ngai waku agakenagua nîwe.