Ntha 22:24 - ÎVUKU RÎA ÛVORO MWARO

²⁴ nanie nîngaarakara na nîmûragithîrie mbaararî. Nao aka enyu nîmagaatuîka a ndigwa nacio ciana cienyu itigwe itarî na methe.

Ntha 22:24 ပူးပေါင်းရင်းမြစ်များ

Nehemia 5:7

Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Ayubu 31:23

Nîûndû nînetigagîra kûverithua nî Ngai, ndingîekire ûndû ta ûcio.

Thaburi 109:2

Andû arîa aganu na maveenanagia nîmarantharîkîra, maragia maûndû makwa na njîra ya maveeni.

Thaburi 109:9

Ciana ciake ituîke cia ngoriai, nake mûka atuîke wa ndigwa!

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Thaburi 69:24

Maverithia ûrî na marakara, maromanyita nî marakara maku meengî.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Thaburi 90:11

Nîûrîkû ûngîmenya vinya wa marakara maku? Nû wicî guoya îrîa yumanaga na marakara maku?

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Maca 5:3

Methe metû nîmaakuire, tûrî ciana cia ngoriai, na anyanya nî aka a ndigwa.

Alawi 25:35

“Ethîrwa Mûisiraeli ûrîa wîngî mûtûûranîrîte nake nîwatuîka mûthîni na eremwa, nwanginya mûmûtethagie na kîrîa angîvatara, nîguo mûvotage gûtûûrania nake wata ûrîa mûtethagia ageni arîa mûtûûranagia nao.

Alawi 25:36

Mûtikamwîtie maciaro ma kîrîa mûmûkombithîtie, nwatî athîkagîrani Ngai na mûtûûranie na Mûisiraeli ûrîa wîngî.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Luka 6:38

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Gûco 23:20

Nwa mwîtie mûgeni maciaro ma kîrîa mûmûkovithîtie, nwatî mûtigetie Mûisiraeli ûrîa wîngî maciaro. Mwathîkîra watho ûyû Ngai-Mûnene Ngai wenyu nîakaamûrathimîra mawîra menyu monthe marîa mûkaaruta mûrî vûrûrirî ûrîa mûgaatonya mwîgwatîre.

Gûco 23:21

“Rîrîa werîra Ngai-Mûnene, Ngai waku ûndû na mwîvîtwa, ndûkarege kûûvingia; nîûndû Ngai-Mûnene, Ngai waku nîakenda ûvingie ûndû ûcio, na nî wîvia kûrega kûûvingia.

Ahib 10:31

Nîûndû wa gwîtigîrwa mûno mûndû kûgwa njararî cia Ngai ûrîa mûtûûra mwoyo!