Ntha 22:23 - ÎVUKU RÎA ÛVORO MWARO

²³ nîûndû mûngîmavîtîria nao mandîrîre, nama nîngegua kîrîro Kîamo makîndîrîra nîmatethie,

Ntha 22:23 ပူးပေါင်းရင်းမြစ်များ

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Ayubu 35:9

“Rîrîa andû mavinyîrîrua mûno nîmarîraga, nîmetagia ûtethio nîûndû wa kûvinyîrîrua nî arîa marî vinya,

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 140:12

Nîmbîcî atî Ngai-Mûnene nîaciragîrîra arîa maranyamarua, na nîonanagia ivooto kûrî ngîa.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 18:6

Rîrîa naarî thînarî nînetire Ngai-Mûnene, nînaakaîre Ngai wakwa nîguo andethie. Nîwambîguire arî hekarûrî yake, nîwathikîrîrie ngîmûkaîra nîguo andethie.

Thaburi 68:5

Ngai ûrîa ûtûûraga hekarûrî yake ntheru, nîke îthe wa ciana cia ngoriai na mûgitîri wa aka a ndigwa.

Ntha 22:27

nîûndû îo nwayo nguo îrîa arî nayo ya gwîkunîkîra nayo. Mûndû ûcio angîîguîkire ndûî kîngî? Angîngaîra nîngaamwîgua nîûndû nîrî ntha.

Maca 5:3

Methe metû nîmaakuire, tûrî ciana cia ngoriai, na anyanya nî aka a ndigwa.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Gûco 10:18

Atucaga ciira wa aka a ndigwa na ciana cia ndigwa na kîvooto. Nîwendete ageni na nîamavecaga gîa kûrîa wana nguo.

Gûco 15:9

Mûtikarege kûmûkovithia atî nîûndû mwaka wa kûrekanîra mathiirî ûrî vakuvî. Mûtikareke ûndû mûcûku ta ûcio ûtonye meciriarî menyu. Mûngîrega gûkovithia mûndû ûcio, nwa arîrîre Ngai-Mûnene nîûndû wenyu, na mûtuîrwe atî nî mwîvîtie.

Gûco 24:15

Marîvageni wa mûthenya wîra ûrîa matinda makîruta mbere ya gûtuka, nîûndû methagîrwa mevokete mbeca icio. Ûngîrega kûmarîva, nwa marîrîre Ngai-Mûnene, naguo ûndû ûcio ûgatuîka wîvia kûrî mue.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.