Ntha 22:21 - ÎVUKU RÎA ÛVORO MWARO

²¹ “Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Ntha 22:21 ပူးပေါင်းရင်းမြစ်များ

Ayubu 6:27

Mue wana nwa mwikîrie ciana cia ndigwa mîtî, na mwendie arata enyu.

Thaburi 146:9

Ngai-Mûnene nîagitagîra ageni, nîatethagia aka a ndigwa na ciana cia ngoriai; nwatî nîacûkangagia andû arîa aganu.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 23:9

“Ndûkanavinyîrîrie mûndû mûgeni. Mue nîmwicî ûrîa mûndû mûgeni egucaga nîûndû mwarî ageni vûrûrirî wa Misiri.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 19:33

“Mûtikavinyagîrîrie ageni arîa mûtûûranagia nao vûrûrirî wenyu.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Alawi 25:35

“Ethîrwa Mûisiraeli ûrîa wîngî mûtûûranîrîte nake nîwatuîka mûthîni na eremwa, nwanginya mûmûtethagie na kîrîa angîvatara, nîguo mûvotage gûtûûrania nake wata ûrîa mûtethagia ageni arîa mûtûûranagia nao.

Zakaria 7:10

Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Gûco 1:16

“Nînathire atongoria acio ngîmeera, ‘Thikagîrîriani maciira monthe marîa andû enyu makaamûretagîra, na mûtucage maciira monthe na kîvooto, marî ma andû enyu, wana kana marî ma ageni arîa mûtûûranagia nao.

Gûco 10:18

Atucaga ciira wa aka a ndigwa na ciana cia ndigwa na kîvooto. Nîwendete ageni na nîamavecaga gîa kûrîa wana nguo.

Gûco 10:19

Kwoguo endagani ageni, nîûndû wanamue mwarî ageni vûrûrirî wa Misiri.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 23:16

Nîagekara kûu kwenyu îtûûrarî wa rîrîa rîonthe îngîthuura; mûtikamûvinyîrîrie.

Gûco 23:7

“Mûtigatume ûthû na andû a vûrûri wa Edomu nîûndû acio nî aa mûrwanyûkwe. Mûtigatume ûthû na andû a Misiri, nîûndû vîndî îmwe mwarî ageni vûrûrirî wao.

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’