Ntha 22:14 - ÎVUKU RÎA ÛVORO MWARO

¹⁴ “Mûndû angîvoya nyamû kuuma kûrî mûndû ûrîa wîngî na îtivue kana îkue mwene yo atarî vo, mûndû ûcio ûramîvoete nwanginya amîrîve.

Ntha 22:14 ပူးပေါင်းရင်းမြစ်များ

Nehemia 5:4

Kûrî na engî maaugaga atîrî, “Twakombire mbeca na mîgûnda yetû na mîtî yetû ya mîthavibu nîguo tûrîve gooti ya mûthamaki.

Thaburi 37:21

Andû arîa aganu mavoyaga kîndû na maticokagia, nwatî andû arîa athingu nîatana na nîmavecanaga indo ciao.

Ntha 21:34

akaarîva mwene ndegwa kana mvunda mbeca na acoke oce nyamû îo nguû îtuîke yake.

Ntha 22:11

andû acio aîrî nîmakaathiî varîa vagoocagîrwa Ngai-Mûnene na mûndû ûcio wathithirue kîndû anyue muma onanie atî ke ndaîîte nyamû îo. Mwene nyamû îo nîagetîkania na ûira ûcio, na nyamû îo ndîkaarîvwa.

Ntha 22:13

Narîo ethîrwa nyamû îrîa aathithirue yaûragirwe nî nyamû cia kîthaka, nwanginya arete matigari nîguo matuîke ûira. Onania matigari mau ke ndakaarîva nyamû îrîa îrîtwe nî nyamû cia kîthaka.

Ntha 22:15

Nwatî îngîkua mwene yo arî vo, mûndû ûcio ûramîvoete ndangîrwa amîrîve. Nwatî ethîrwa nîkwa îrarî ngombore, mbeca irîa iramîkomborete nîcio igaatuîka îrîvi.

Alawi 24:18

na mûndû wa wonthe ûkaaûraga nyamû ya mûndû ûrîa wîngî nwanginya akaamîrîva na îngî. Nyamû îrî mwoyo îkaarîvagwa na îngî.

Mathaayo 5:42

Ethîrwa mûndû nwa akûvoe kîndû mûve, na ethîrwa nwa agûkove kîndû mûkovithie.

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Gûco 15:2

Mûvango ûcio wa kûrekanîra mathiirî ûkethagîrwa wîkariî û: Mûndû wa wonthe ûkovithîtie mûndû ûrîa wîngî kîndû nwanginya akaamûrekera thirî ûcio, ndagîrîrwe nî gwîtia thirî ûcio. Ngai-Mûnene nîwathanîte thirî ûcio ûrekanîrwe.