Ntha 21:26 - ÎVUKU RÎA ÛVORO MWARO

²⁶ “Mûndû angîringa ngombo yake ya mûndûmûrûme kana mûndûmûka riitho na arîcûkie, nîakaarekereria ngombo îo îthiî. Rîu nîrîo rîgaatuîka îrîvi nîûndû wa riitho rîu.

Ntha 21:26 ပူးပေါင်းရင်းမြစ်များ

Nehemia 5:5

Tûrî a nthakame îmwe na Ayahudi acio etû. Ciana cietû nî ûndû ûmwe na ciana ciao. Nwatî rîu ciana cietû tûraitua ngombo. Erîtu etû amwe nîmendetue ta ngombo. Nwatî tûtingîvota gwîtethia, nîûndû tûrî acune mîgûnda yetû na mîtî yetû ya mîthavibu nî andû engî.”

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 10:18

nîûthikagîrîria kîrîro gîa ciana cia ngoriai na arîa avinyîrîrie, nîguo andû a nthî matikaamaretere kîmako rîngî.

Thaburi 9:12

Nîûndû arîa maûragagwa Ngai-Mûnene nîamarîvagîrîria, ndariganagîrwa nî kîrîro Kîam arîa maranyarirîka.

Ntha 21:20

“Mûndû angîringa ngombo yake ya mûndûmûrûme kana mûndûmûka na mûragi na îkue wa rîo, mûndû ûcio nwanginya akaaverithua.

Ntha 21:24

riitho rîrîvagwe na riitho, îgego rîrîvagwe na îgego. Njara nîîrîvagwe na njara, na kûgûrû kûrîvagwe na kûgûrû,

Ntha 21:25

îvîa rîrîvagwe na îvîa, kîronda kîrîvagwe na kîronda, na îtivia rîrîvagwe na îtivia.

Ntha 21:27

Narîo angîmîkûûra îgego, nîakaarekereria ngombo îo îthiî. Naguo ûguo ûtuîke îrîvi rîa îgego rîu.

Aefeso 6:9

Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Akol 4:1

Mue athani, îkagani ngombo cienyu maûndû marîa marî na kîvooto na waragania. Menyagani atî wa namue mûrî na Mwathani îgûrû.