Ntha 2:3 - ÎVUKU RÎA ÛVORO MWARO

³ Nwatî rîrîa aaremirwe nî gûkathitha makîria nîwocire gîkavu agîkîthinga na rami nîguo gîtigatonyie manjî. Nîwacokire agîoca kaana kau getagwa Musa agîgatonyia gîkavurî, agîkiiga mûthanjerî rûtererî rwa rûnjî.

Ntha 2:3 ပူးပေါင်းရင်းမြစ်များ

Kîam 11:3

Nao nîmeeranire atîrî, “Tigani tûmbe matuvarî na tûmavîvie maûme waro.” Kwoguo nîmaagîre na matuvarî ma gûtuma na rami ya kûmanyitithania.

Kîam 14:10

Kîanda kîu gîa Sidimu gîecûrîte marima ma rami. Na rîrîa athamaki a Sodomu na Gomora maageragia kûûra maume mbaararî, nîmaagwîre marimarî mau, nwatî athamaki acio engî athatû nîmaaûrîre îrimarî.

Kîam 6:14

Îîtumîre thabina na mbaû irîa mbaro, na ûmîgaanie kûu ndaarî. Ûcoke ûmîthinge na rami nja na ndaarî.

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Isaia 18:2

Vûrûri ûcio ûtûmaga anjaama makathiî na rûnjî rwa Nailo, marî matarûrî matumîtwe na mîrura. Thiîni mue anjaama aya mûthiîcaga na îvenya, thiîni vûrûrirî ûcio mûnene na ûrî vinya, vûrûri ûcio ûgaanîtue nî nyûnjî, ûrî andû araca na marî rûûo rûnyoroku, andû metigîrîtwe nî andû a nthî yonthe.

Isaia 19:6

Mîtaro ya rûnjî rûu nîkaanunga, na tûrûnjî tûrîa tûviraga manjî rûnjîrî rwa Nilo nîtûkaavwa. Mûthanje na nyaki nîikoora,

Isaia 35:7

mûthanga ûrîa ûvenavenagia ta mwaki werûrî nîûgaatuîka îria rîa manjî, nayo nthî nyûmû nîkaatherûka manjî. Kûrîa ciathi itûûraga nîgûgecûra manjî, nyaki nîkaamera na îkûre îkare ta mûthanje na marura.

Mathaayo 2:13

Nao athuuri acio maarî na ûgî wa njata marîkia kûthiî, mûraika wa Mwathani nîwaumîrîre Josefu kîrotorî na akîmwîra atîrî, “Ûkîra woce mwana na ng'ina mûre mûthiî vûrûrirî wa Misiri, na mwîkare kuo nginya rîrîa ngaamwîra, nîûndû Herode arî vakuvî kwambîrîria gûcaria kaana nîguo akaûrage.”

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Ciîko 7:19

Mûthamaki ûcio nîwatungîre andû etû gîkuru na akîatha methe metû ma tene matiganîrie twana twao twa tûkenge nja nîguo tûkue.