Ntha 2:25 - ÎVUKU RÎA ÛVORO MWARO

²⁵ Ngai nîwonire ûrîa andû a Isiraeli maavinyîrîrîtue, kwoguo nîwamatethirie.

Ntha 2:25 ပူးပေါင်းရင်းမြစ်များ

2Sam 16:12

Ngai-Mûnene avota kwona mînyamaaro yakwa, na ambîtîrîrie irathimo nyîngî makîria ya irumi irîa arumanîte ûmûnthî.”

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 31:8

Ndwandekereria kûrî nthû ciakwa, nîûnûngamîtie vandû varî na thayû.

Thaburi 55:22

Virîra Ngai-Mûnene mathîna maku, na nîagûkûmenyerera; ndangîrekereria andû arîa athingu mavootwe.

Ntha 1:8

Nakuo nîgwacokire gûkîgîa na mûthamaki wîngî wa kwathana Misiri. Mûthamaki ûcio ndaicî Josefu.

Ntha 18:8

Musa nîwacokire akîîra Jethiro maûndû monthe marîa Ngai-Mûnene eekire mûthamaki wa Misiri na andû ake. Maûndû mau meekirwe nîguo Ngai-Mûnene avonokie andû a Isiraeli. Musa nîwerire mûthoniwe mathîna marîa moonire marî njîrarî na ûrîa Ngai-Mûnene aamavonoketie kuuma kûrî mathîna mau.

Ntha 3:9

Nî ma nîmbîguîte kîrîro Kîam andû akwa na nîmonete ûrîa andû a Misiri maramavinyîrîria.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Mathaayo 7:23

Nanie nîngaamera atîrî, ‘Nie ndiamwîcî. Nthengutîrani mue mwîkaga maûndû macûku!’

Luka 1:25

“Rîu Mwathani nîandethetie na akanthengutîria gîconoko gîakwa mbere ya andû!”

Ciîko 7:34

Nie nîmonete ûrîa andû akwa arîa marî Misiri marathînua na vinya. Nîmbîguîte kîrîro Kîamo na nie nînanyûrûrûka nîguo nîmavonokie. Kwoguo ûka rîu, nie nîngûgûtûma Misiri.’

Gûco 26:7

Nîtwarîrîre Ngai-Mûnene Ngai wa methe metû atûtethie. Ngai-Mûnene nîwatwîguire, na akîona ûrîa twanyamarîkaga, twarutithagua wîra mûrito na nîtwavinyagîrîrua.

1Sam 1:11

Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”