Ntha 2:16 - ÎVUKU RÎA ÛVORO MWARO

¹⁶ erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani.

Ntha 2:16 ပူးပေါင်းရင်းမြစ်များ

Kîam 14:18

Nake Melikizedeki, ûrîa warî mûthamaki wa Salemu na nwake warî mûthînjîri-Ngai wa Ngai ûrîa ûrî Îgûrû Mûno, nîwavirîre Aburamu mîgate na ndivei.

Kîam 24:11

Rîrîa aakinyire, nîwatûmire ngamîîra ciake imame rûtere rwa kîthima kîrîa Kîamrî nja ya îtûûra rîu. Vîndî îo kwarî thaa cia kîvwaî rîrîa aka mathiîcaga gûtava manjî.

Kîam 24:13

Rîu nie nûngamîte ava rûtere rwa kîthima, na erîtu a îtûûra rîîrî nîmaûkîte gûtava manjî.

Kîam 29:2

Rîrîa Jakovu aaroririe na kûu kîthakarî, nîwonire ndîthia ithatû cia ng'ondu imamîte vakuvî na kîthima. Ndîthia icio nîcianyuithagua manjî kuuma kîthimarî kîu. Mûromo wa kîthima kîu wakunîkagwa na îthiga rînene mûno.

Kîam 41:45

Mûthamaki nîwatuîrîre Josefu rîîtwa akîmwîta Zafenathi-panea. Nîwacokire akîmûva Asenathi, mwarî wa Potifera, mûthînjîri-Ngai wa Oni (Heliopoli) atuîke mûka.

Ntha 18:1

Jethiro mûthînjîri-ngai wa Midiani aarî îthe wa mûka wa Musa. Ke nîwegwire ûrîa wonthe Ngai eekîte Musa na andû a Isiraeli rîrîa aamarutire vûrûri wa Misiri.

Ntha 18:12

Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

1Sam 9:11

Rîrîa maunûkagia karîma mathiîte îtûrarî rîu, nîmaacemanirie na erîtu aîrî mathiîte gûtava manjî. Nîmaûririe erîtu acio atîrî, “Mwoni maûndû arî îtûûrarî?”