Ntha 19:6 - ÎVUKU RÎA ÛVORO MWARO

⁶ andû nyamûrîrîtwe na mûndungatagîre mûrî athînjîri-Ngai.”

Ntha 19:6 ပူးပေါင်းရင်းမြစ်များ

1Atha 3:8

Nînie ûyû ndungata yaku nîrî gatagatî ka andû aku arîa ûthuurîte matuîka aku, andû eengî mûno ûndû matangîtarîka.

1Atha 8:53

We nîwe wamathuurire kuuma kûrî andû onthe a gûkû nthî nîguo matuîke îgai rîaku, wata ûrîa waririe na njîra ya Musa, ndungata yaku rîrîa we Mwathani, Ngai-Mûnene warutire methe metû Misiri.”

1Maû 17:22

Ngai-Mûnene, we nîûtuîte Isiraeli andû aku tene na tene na nîûtuîkîte Ngai wao.

Thaburi 114:2

Juda gwatuîkire kûndû kûrîa Ngai-Mûnene agoocagîrwa, Isiraeli gûgîtuîka kûrîa athanaga.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 22:31

“Mue mûrî andû akwa arîa nthuurîte. Kwoguo mûtikarîe nyama cia nyamû yûragîtwe nî nyamû cia kîthaka. Vandû va ûguo, cikagîrieni ngui.

Ntha 28:36

“Ûkaarûtha kavengere ka thaavu ntheri na kandîkwe, ‘Yamûrîrîtwe Ngai-Mûnene’.

Isaia 43:4

Nîûndû mûrî andû a vata mbere yakwa, na nîmûtîîte na ngamwenda, nie nîngûnenganîra andû nîûndû wenyu, nîngûnenganîra mavûrûri nîguo nîmûvonokie.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Isaia 66:21

Nîngaathuura amwe ao nîmatue athînjîri-Ngai na amwe ao nîmatue Alawi.

Jeremia 13:11

Wata ûrîa thuruvarî îganagîra mûndû kîûnûrî, nîguo nendete andû onthe a Juda na Isiraeli megucage meganîrîte menyitithanîtie nanie. Nekire ûguo nîguo matuîke andû akwa, matûmage rîîtwa rîakwa rîkumue na rîvewe riiri, nwatî nîmaaregire kûnthikîrîria, nie Ngai-Mûnene.”

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Alawi 21:23

Nwatî nîûndû mûthînjîri-Ngai ûcio arî na wonje, ndagîrîrwe nî gûkuvîvîria gîtambaa kîrîa kîtheru kana akuvîvîria metha ya kîgongoona. Ndagîrîrwe nî kûgwatia indo icio ntheru gîko, nîûndû Nie nînie Ngai-Mûnene na nînie nîitheragia.”

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Hagai 2:5

Rîrîa mwaumire Misiri nînamwîrîîre atî ngethagîrwa nîrî namue tene na tene. Kwoguo, nîrî vamwe namue, mûtikamake.

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

1Akor 3:17

Kwoguo mûndû wa wonthe angîcûkangia hekarû ya Ngai, Ngai nîakaamûcûkangia. Hekarû ya Ngai nî ntheru na mue ene nîmue hekarû yake.

Gûco 14:21

“Mûtikarîe nyamû wa yonthe îkuîte mûvûvû. Nwatî nwa mûmîve ageni arîa matûûraga matûûrarî menyu mamîrîe, kana ageni arîa mavîtûkîte, nîûndû mue mûrî andû amûre a Ngai-Mûnene Ngai wenyu. “Mûtikaruge koori na îriia rîa ng'ina.

Gûco 26:19

Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

Gûco 28:9

“Ethîrwa nî mûkwathîkîra Maathani ma Ngai-Mûnene Ngai wenyu na mwîke maûndû monthe marîa amwathîte, nîakaamûtua andû ake atheru wata ûrîa aamwîrîîre.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

1Ath 5:27

Nînîramûthaitha na rîîtwa rîa Mwathani mûthomere etîkia onthe maarûa îno.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Kûguû 1:6

na nîwatûtuire rûrîrî rwa athînjîri-Ngai a gûtungatîra Ngai ûrîa Îthe wake. Riiri na vinya irogîa kûrî Jesû Kristû tene na tene! Ameni.

Kûguû 20:6

Gûkena na kûrathimwa nî arîa makethîrwa marî vamwe na arîa Ngai akariûkia vîndî ya kûriûka kwa mbere. Acio matigaakua gîkuû gîa kaîrî, nîûndû makethîrwa marî athînjîri-Ngai a Ngai na Mesaya, na matuîke aathani vamwe nake mîaka ngiri îmwe.

Kûguû 5:10

We nîûmatuîte rûrîrî rwa athînjîri-Ngai a gûtungatîra Ngai na nîmakaathana gûkû nthî.”