Ntha 19:3 - ÎVUKU RÎA ÛVORO MWARO

³ Nake Musa nîwaunûkirie kîrîmarî gîa Sinai nîguo agatûngane na Ngai. Nake Ngai-Mûnene nîwetire Musa arî kîrîmarî na akîmwîra ere andû a Isiraeli, njiarwa cia Jakovu atîrî,

Ntha 19:3 ပူးပေါင်းရင်းမြစ်များ

Ntha 19:20

Ngai-Mûnene nîwanyûrûrûkire akîthiî kîrîmarî gîa Sinai îgûrû na agîîta Musa athiî vo. Musa nîwaunûkirie,

Ntha 20:21

Andû nîmaarûngamire varaca, nwatî Musa arî wenga nîwathiîre vakuvî na îtu înene varîa Ngai aarî.

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 3:4

Rîrîa Ngai-Mûnene oonire Musa nîwakuvîvîria, arî gatagatî ga kîthaka nîwamwîtire atîrî, “Musa! Musa!” Musa nîwacokirie atîrî, “Îî nîrî ava.”

Ntha 34:2

Rûciû kîraûko ûkeevarîria, na unûkie kîrîmarî gîa Sinai tûgacemanie nawe vau îgûrû.

Ntha 34:4

Kwoguo Musa nîwarûthire ivengere ciîngî igîrî cia mathiga wata irîa cia mbere. Na kîraûko tene nîwaunûkirie kîrîmarî gîa Sinai akuuîte ivengere icio wata ûrîa Ngai-Mûnene aamwathîte.

Alawi 1:1

Ngai-Mûnene arî îgemarî nîwetire Musa na akîmwîra atîrî,

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.