Ntha 19:22 - ÎVUKU RÎA ÛVORO MWARO

²² Wana athînjîri-Ngai arîa maûkaga vakuvî nanie nwanginya metherie, na ethîrwa tîmeka guo nîngaamaverithia.”

Ntha 19:22 ပူးပေါင်းရင်းမြစ်များ

1Maû 15:13

Ngai-Mûnene, Ngai wetû nîwatûverithirie nîûndû tûtiarîkuua vîndî ya mbere na tûtiarîmenyarera ta ûrîa aathanîte.”

2Maû 30:15

Na mûthenya wa îkûmi na îna wa mweri wa kaîrî, nîmaaûragire ng'ondu ya pasaka. Athînjîri-Ngai na Alawi nîmegwire nthoni mûno na makîîtheria. Nîmaacokire makîrete matega ma kûvîvua kûrî Ngai-Mûnene.

2Maû 30:3

nîûndû matiavota gûkûngûîra pasaka kavinda karîa kaarî kagîrîru nîûndû athînjîri-Ngai matiarî eganu, na andû matiagomanîte Jerusalemu.

Ntha 19:24

Ngai-Mûnene nîwacokerie Musa atîrî, “Nyûrûrûka ûthiî mûcoke mûke mûrî na Aroni. Nwatî athînjîri-Ngai na andû matiagîrîrwe nî kûvîtûka mûvaka maûkîte kûrî Nie. Mangîvîtûka mûvaka nîngaamaverithia.”

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Isaia 52:11

Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Ndari 11:18

Coka wîre andû atîrî, ‘Îîtherieni nîûndû rûyû nîmûkaarîa nyama. Kîrîro kîenyu nîgîkinyîrîte Ngai-Mûnene. Mwîthîrîtwe mûkîrîrîra Ngai-Mûnene mûkiugaga atî mûrenda kûrîa nyama nîûndû Misiri kwarî kwaro gûkîra gûkû. Rîu Ngai-Mûnene nîakûmûva nyama mûrîe.

Ciîko 5:10

Wa rîmwe Safira nîwagwîre nthî magûrûrî ma Petero na agîkua. Rîrîa anake acio maatonyire kuo na makîmwîthîra arî mûkuû, nîmaamûrutire nja mamûkuuîte na makîthiî makîmûthika rwarurî rwa mûthuuriwe.

Ciîko 5:5

Na rîrîa Anania eegwire ciugo icio, nîwagwîre nthî na agîkua. Na andû onthe arîa meegwire ûvoro ûcio nîmegwire guoya mûno.