Ntha 19:18 - ÎVUKU RÎA ÛVORO MWARO

¹⁸ Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Ntha 19:18 ပူးပေါင်းရင်းမြစ်များ

Kîam 11:5

Ngai-Mûnene nîwaûkire nthî kwona îtûûra na nyomba îo ndaca andû maatumîte,

Kîam 15:17

Na rîrîa riûa rîathûire na gûgîtuka, mwaki mûnene watogaga ndogo na kîmûrî gîakanîte nîciavîtûkîrîre gatagatîrî ka nyamû icio.

Kîam 19:28

Nîwaroririe nthî matûûrarî ma Sodomu na Gomora wana Kîamnda kîonthe, na akîona ndogo îkîthiî na îgûrû yumîte nthî. Yekariî ta ndogo îrîa yumaga mwakirî mûnene mûno.

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Thaburi 104:32

Aroragia nthî îkainaina, anyitaga irîma ikauma ndogo.

Thaburi 114:4

Irîma ciarûgarûgaga ta ndûrûme, tûrîma twarûgarûgaga ta tûgondu!

Thaburi 114:7

We nthî, inaina ûrî mbere ya Ngai-Mûnene; ûrî mbere ya Ngai wa Jakovu;

Thaburi 144:5

We Ngai-Mûnene vingûra matû maku na ûnyûrûrûke nthî; vutia irîma nîguo irute ndogo!

Thaburi 18:9

Nîwavingûrire îgûrû na akînyûrûrûka nthî; aakinyîte matu mairû na magûrû make.

Thaburi 68:9

We Ngai, nîwatûmire mbura nyîngî yure nthî, na ûkînyotora vûrûri waku ûrîa warî mûcûkangu.

Thaburi 77:18

Mûrurumo wa ngwa yaku warî kîvuvûkaniorî, mveni nîciatûmire nthî ng'ima kûgîe na ûtheri; na nthî nîyainainire na îkîthingitha.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Ntha 19:13

Mûndû ûcio akaaûragwa na njîra ya kûrivwa na mathiga kana kûrathwa na mîguî na gûtirî mûndû ûkaamûnyita na njara. Wana ethîrwa nî andû kana nyamû nwanginya ikaaûragwa, nwatî vîndî îrîa karumbeta gakaavuvwa andû nîmakaaunûkia kîrîmarî.”

Ntha 19:17

Musa nîwatongoririe andû makiuma varîa maambîte magema makîthiî gûcemania na Ngai. Nao nîmaarûngamire nthî ya kîrîma.

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Ntha 3:2

Nake mûraika wa Ngai-Mûnene nîwaumîrîre Musa. Mûraika ûcio aarî rûrîrîmbîrî rwa mwaki waumaga kîthakarî. Nake Musa nîwaroririe na akîona kîthaka gîgîakana mwaki, nwatî gîtiavîcaga.

Ntha 34:2

Rûciû kîraûko ûkeevarîria, na unûkie kîrîmarî gîa Sinai tûgacemanie nawe vau îgûrû.

Isaia 6:4

Mîgambo yao nîyatûmire mîcingi ya hekarû inaine, nayo hekarû îgîcûra ndogo.

Isaia 64:1

Naarî kethîrwa wavingûra matu ûnyûrûrûke nthî, irîma ingîkwona ikainaina nî guoya.

Jeremia 4:24

Nînaroririe irîmarî na ngîona ikinaina, wana tûrîma tuonthe tûkinaina.

Habakuku 3:6

Aarûngamire nthî îkinaina, aaroririe mavûrûri makîthingitha. Irîma cia tene na tene nîcianyaganirue, tûrîma tûrîa tûtûûraga tene na tene nîtwavaraganirue. Kûu nîkuo njîra ciake irî kuuma tene na tene.

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

Gûco 4:36

Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.

Gûco 5:22

“Mama nîmo maathani marîa Ngai-Mûnene aamûveere muonthe rîrîa mwacemanîtie kîrîmarî. Rîrîa aaririe na mûgambo mûnene arî mwakirî, matuurî na nduma nene, ndongerera Maathani mengî tiga mama. Nîwacokire akîandîka Maathani mau ivengererî igîrî cia mathiga na akînengera cio.

Gûco 5:4

Ngai-Mûnene nîwaririe namue mûkîyonagîra arî mwakirî kûu kîrîmarî.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 12:18

Mue mûtikinyîte vandû mûngîvutia ta ûrîa andû a Isiraeli maakinyire kîrîmarî gîa Sinai kîrîa gîaakanaga mwaki mûnene kûrî na nduma nene na rûkûngi rûnene.

Ahib 12:26

Mûgambo wake nîwatûmire nthî îthingithe vîndî îo, nwatî rîu eranîrîte atî, “Wa rîngî nîngaathingithia nthî na ndûme wana îgûrû rîthingithe.”

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

Kûguû 15:8

Nayo hekarû nîyecûrirwe nî ndogo kuuma kûrî riiri na vinya wa Ngai. Gûtirî mûndû ûngîavotire gûtonya hekarûrî îo nginya rîrîa mavera mau mûgwanja marîa maaretirwe nî araika acio mûgwanja maathirire.

Kûguû 9:2

Njata îo nîyavingûrire îrima rîu rîtarî mûthiia. Nayo ndogo yekariî ta ndogo ya mwaki wa îcua nîyaumire kûu îrimarî rîu. Nayo ndogo îo yaumaga îrimarî rîu îrikîru rîtarî mûthiia nîyecûrire rîerarî na îkîvingîrîria ûtheri wa riûa.

Atir 5:5

Irîma nîciainainire mbere ya Ngai-Mûnene wa Sinai, mbere ya Ngai-Mûnene, Ngai wa Isiraeli.