Ntha 19:16 - ÎVUKU RÎA ÛVORO MWARO

¹⁶ Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 19:16 ပူးပေါင်းရင်းမြစ်များ

2Sam 22:10

Nîwatuîkanîrie matuurî na akînyûrûrûka nthî, nayo nduma ndumanu yarî rungu rwa magûrû make.

2Maû 5:14

na athînjîri-Ngai matingîavotire kûthiî na mbere na wîra wao nîûndû hekarû nîyecûrirwe nî ûkengu wa riiri wa Ngai-Mûnene.

Ayubu 38:25

“Nû watemere mbura ya kîvovoto mûtaro kûu îgûrû, na agîtemere ngwa njîra,

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 77:18

Mûrurumo wa ngwa yaku warî kîvuvûkaniorî, mveni nîciatûmire nthî ng'ima kûgîe na ûtheri; na nthî nîyainainire na îkîthingitha.

Thaburi 81:8

Mue andû akwa, thikîrîriani ngîmûkaania! Mue Isiraeli, naarî kethîrwa nwa mûnthikîrîrie!

Thaburi 97:4

Rûveni rwake rwîkagîra ûtheri nthî yonthe; nthî îrwonaga îkainaina.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Ntha 19:17

Musa nîwatongoririe andû makiuma varîa maambîte magema makîthiî gûcemania na Ngai. Nao nîmaarûngamire nthî ya kîrîma.

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Ntha 20:21

Andû nîmaarûngamire varaca, nwatî Musa arî wenga nîwathiîre vakuvî na îtu înene varîa Ngai aarî.

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Ntha 9:23

Kwoguo Musa nîwaûkîrîrie njara yake amîerekeretie na îgûrû matuurî. Nake Ngai-Mûnene nîwaretithirie ngwa na mbura ya mbembe, nacio mveni ikîvenia nginya gûkû nthî. Ngai-Mûnene nîwatûmire

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Gûco 5:5

Nie nînarûngamire gatagatî ka Ngai-Mûnene namue nîguo nîmûmenyithie ûrîa aaugaga nîûndû nîmwetigagîra mwaki na mûtingîavotire kûthiî kîrîmarî îgûrû. “Ngai-Mûnene nîwaugire atî,

Ahib 12:21

Ûrîa andû moonire nîwatûmire manyitwe nî guoya mûno, nake Musa nîwaugire atîrî, “Nînîrainaina na ngetigîra!”

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”

Kûguû 4:5

Gîtîrî kîu Kîam ûthamaki nîkwaumaga mveni, mîgambo, na mûrurumo na ngwa. Kwarî na imûrî mûgwanja ciaakanaga vau mbere ya gîtî kîu Kîam ûthamaki, na imûrî icio nî maaroho mûgwanja marîa maatungataga Ngai.

Kûguû 8:5

Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.