Ntha 18:8 - ÎVUKU RÎA ÛVORO MWARO

⁸ Musa nîwacokire akîîra Jethiro maûndû monthe marîa Ngai-Mûnene eekire mûthamaki wa Misiri na andû ake. Maûndû mau meekirwe nîguo Ngai-Mûnene avonokie andû a Isiraeli. Musa nîwerire mûthoniwe mathîna marîa moonire marî njîrarî na ûrîa Ngai-Mûnene aamavonoketie kuuma kûrî mathîna mau.

Ntha 18:8 ပူးပေါင်းရင်းမြစ်များ

Kîam 44:34

Nîngîcoka atîa kûrî vava ethîrwa tîtûthiî na mwanake ûcio? Nie tînyûmîrîria kwona maûndû macûku marîa mangîûka kûrî vava.”

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 106:10

Kwoguo nîwamavonokirie kuuma kûrî nthû ciao, na akîmakûûra kuuma kûrî vinya wa nthû ciao.

Thaburi 106:8

Kûnarî ûguo nîwamavonokirie wata ûrîa eeranîrîte, nîguo onanie vinya wake mûnene.

Thaburi 107:2

Tiga arîa makûûrîtwe nî Ngai-Mûnene mauge guo, arîa avonoketie kuuma thînarî,

Thaburi 66:16

Mue muonthe mwîtigîrîte Ngai, ûkani mûnthikîrîrie, na nîngûmwîra ûrîa ambîkîte.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Ntha 15:6

Njara yaku ya ûrîo we Ngai-Mûnene îrî riiri na îrî vinya; njara yaku ya ûrîo we Ngai-Mûnene yunangaga nthû tûcunjî tûcunjî.

Ntha 16:3

na makîmeera atîrî, “Nî kava Ngai-Mûnene angîatûûragîre Misiri, nîûndû kûu nîtwekaraga nthî tûkarîa nyama na irio cionthe irîa twendaga. Nwatî mwatûretire gûkû werûrî nîguo tuonthe tûkuîre kuo nî yûra.”

Ntha 18:1

Jethiro mûthînjîri-ngai wa Midiani aarî îthe wa mûka wa Musa. Ke nîwegwire ûrîa wonthe Ngai eekîte Musa na andû a Isiraeli rîrîa aamarutire vûrûri wa Misiri.

Ntha 2:25

Ngai nîwonire ûrîa andû a Isiraeli maavinyîrîrîtue, kwoguo nîwamatethirie.

Ntha 23:23

Mûraika wakwa nîakaamûtongoria amûkinyie mavûrûrirî ma Amori, Ahiti, Aperizi, Akanaani, Ahivi, na Ajebusi nanie nîngaamathiria.

Ntha 4:23

Nie naakwîrire ûreke andû akwa mathiî nîguo makangooce, nwatî nîwaregire. Rîu nîngûraga mwanake waku wa îrikithathi.’ ”

Ntha 7:4

Mûthamaki wa Misiri ndakaamûthikîrîria. Nanie nîngûretera andû a Misiri îvera rînene na ndongorie andû akwa ciana cia Isiraeli ciume vûrûri wa Misiri. Nîngeka maûndû manene nîguo nduîre vûrûri wa Misiri.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ndari 20:14

Musa nîwatûmire anjaama kuuma Kadeshi mathiî kûrî mûthamaki wa Edomu. Anjaama acio nîmaaugire atîrî, “Mûrwanyûkwe Isiraeli auga atî, we nîwîcî mathîna monthe marîa twonete.