Ntha 18:20 - ÎVUKU RÎA ÛVORO MWARO

²⁰ Mathomithagie maathani na mawatho ma Ngai na ûmataaragîrie ûrîa magîrîrwe nî gûtûûra wana gwîka.

Ntha 18:20 ပူးပေါင်းရင်းမြစ်များ

Thaburi 143:8

Ndirikanagia ûvoro wa wendo waku ûtathiraga wa kîraûko, nîûndû we nîwe nîîvokete. Monia njîra îrîa mbagîrîrwe nî kûthiîra, nîûndû we nîwe mvoyaga.

Thaburi 32:8

Ngai-Mûnene augîte atîrî, “Nîngûkwonia njîra îrîa wagîrîrwe nî kûrûmîrîra, nî ngûthomithia na ngûmenyerere.

Ntha 18:16

Vîndî îrîa andû aîrî mavîtanîtie maûkaga kûrî nie, nanie ngamatuithania gatagatî ka mûndû na ûrîa wîngî, na nîmamenyithagia Maathani na mawatho ma Ngai.”

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Jeremia 42:3

Tûvoere nîguo Ngai-Mûnene Ngai wetû atwonie njîra îrîa arenda tûrûmîrîre na ûrîa arenda twîke.”

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Maariko 13:34

Gûkeethîrwa gwîkariî ta ûrîa mûndû akiuma mûciî athiî rûgendo atigaga agaîra ndungata ciake mawîra, wa ndungata wîra wake, na agacoka akeera mûrangîri arangîre mûciî.

Gûco 1:18

Vîndî wa îo nînaamwîrire maûndû monthe marîa mwagîrîrwe nî gwîka.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 5:1

Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.

Gûco 5:27

Musa, coka na ûthikîrîrie maûndû monthe marîa Ngai-Mûnene, Ngai wetû akuga. Ûcoke ûke ûtwîre maûndû mau monthe agûkwîra na nî tûkûmegua na tûmeke.’

Gûco 7:11

Kwoguo menyagîrîrani mûvingagie na kinyi maathani, mawatho na matuîro ma ciira marîa ngûmwatha ûmûnthî.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.