Ntha 18:16 - ÎVUKU RÎA ÛVORO MWARO

¹⁶ Vîndî îrîa andû aîrî mavîtanîtie maûkaga kûrî nie, nanie ngamatuithania gatagatî ka mûndû na ûrîa wîngî, na nîmamenyithagia Maathani na mawatho ma Ngai.”

Ntha 18:16 ပူးပေါင်းရင်းမြစ်များ

2Sam 15:3

Abusalomu nîangîamwîraga atîrî, “Nîma, ûguo ûrauga nî ûndû mwaro na ûrî na kîvooto, nwatî gûtirî mûndû ûthuurîtwe nî mûthamaki ûngîthikîrîria ciira waku vandûrî vake.”

2Maû 19:10

Rîrîa andû enyu arîa matûûraga matûûrarî mao makaamûretera ciira îgiî kûûragana, kuna watho, maathani, kana matuîro ma ciira, nwanginya mûkaamataaraga waro nîguo matikaavîtîrie Ngai-Mûnene. Mwarega kûmataara, nîmakeevia na Ngai-Mûnene nîîkarakara nî mue wana andû enyu, nwatî mwamataara mûtikethîrwa mûrî na mavîtia.

Ayubu 31:13

Ethîrwa nîndegete kûthikîrîria mateta ma ndungata yakwa ya mûndûmûrûme kana ya mûndûmûka, rîrîa maaretire mateta mao kûrî nie,

Ntha 18:17

Nake Jethiro nîwerire Musa atîrî, “Maûndû mama ndûrameka na njîra îrîa yagîrîrîte.

Ntha 2:13

Mûthenya ûcio wîngî, Musa nîwonire rîngî andû aîrî Ahibirania makîrûa. Nîwerire ûrîa warî na mavîtia atîrî, “Ûraringa mûndû ûyû nîkî na mûrî Ahibirania muonthe?”

Ntha 23:7

Ndûkanarie ûira wa maveeni ciirarî, na ndûkanaûragithie mûndû ûtarî na mavîtia, nîûndû nîngaatuîra mûndû wa wonthe wîkaga waganu ta ûcio.

Ntha 24:14

Musa nîwerire atongoria a Isiraeli atîrî, “Etererani ava nginya rîrîa tûgaacoka kûrî mue rîngî. Aroni na Huri mûrî nao. Kûngîgîa na ngarari gatagatîrî kenyu thiîni kûrî o.”

Alawi 24:15

Ûcoke wîre andû a Isiraeli atî mûndû wa wonthe ûkaaruma Ngai nwanginya akaaverithua nîûndû wa mevia make

Ndari 15:35

Ngai-Mûnene nîwacokire akîra Musa atîrî, “Mûndû ûcio nwanginya aûragwe; andû onthe a Isiraeli nîmamûrage na mathiga arî nja ya kûrîa maatûûraga.”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

1Akor 6:1

Vîndî îrîa mûndû ûmwe gatagatîrî kenyu avîtîrîtue nî mûriû kana mwarî wa îthe wetû rî, nîndûî gîtûmaga mûndû ta ûcio athiî akathitange kûrî acirithania a magooti arîa matarî etîkia? Mûndû ta ûcio aregaga gwîtîkîria andû a Ngai matue ûrîa marona kwagîrîrîte nîkî?

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 5:1

Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.

Gûco 6:1

“Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.