Ntha 17:6 - ÎVUKU RÎA ÛVORO MWARO

⁶ Nîngaarûngama mbere yenyu îgûrû rîa îthiga kîrîmarî gîa Sinai. Thiî ûkaaringa îthiga rîu na mûragi waku na nîrîkaauma manjî ma kûnyuwa nî andû.” Ûguo nîguo Musa eekire akîonagwa nî atongoria onthe a Isiraeli.

Ntha 17:6 ပူးပေါင်းရင်းမြစ်များ

Nehemia 9:15

“Mavûta nîwamavere mîgate kuuma îgûrû, na manyonda nîwamavere manjî kuuma rûciararî. Nîwamerire mathiî makegwatîre vûrûri ûrîa wamerîrîte atî nîûkaamava.

Thaburi 105:41

Nîwatûrire îthiga na manjî makiuma kuo, maanyûrûrûkire werûrî ta rûnjî.

Thaburi 114:8

ûrîa ûgarûraga rûciara rwa îthiga rûgatuîka îria rîa manjî, na mathiga marîa maûmû magatuîka ithima cia manjî.

Thaburi 46:4

Kûrî na rûnjî rûretage gîkeno îtûûrarî rîa Ngai, hekarûrî ya Ngai ûrîa ûrî Îgûrû Mûno.

Thaburi 74:15

We nîwatûmire kûgîe na ithima cia manjî na tûrûnjî, nîwatûmire nyûnjî irîa nene inyare.

Thaburi 78:18

Nîmaatwire na ngoro ciao magerie Ngai, na njîra ya kûmwîtia irio irîa meeriragîria.

Thaburi 78:20

Nîma, nîwaringire îthiga, na manjî makiuma makînyûrûrûka ta rûnjî; nwatî rîu nwa atûve irio, na ave andû ake nyama?”

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 14:16

Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 16:10

Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

Isaia 48:21

Rîrîa aamatongoririe makîvîtûkîrîra werûrî matianyonda. Nîwatûmire manjî maume îthigarî nîûndû wao, nîwatûranirie îthiga na manjî makiuma mwatûkarî ûcio.

Ndari 20:8

“Oca mûragi waku, na mûrî na mûrwanyûkwe Aroni mwîte andû onthe a Isiraeli vamwe, ûcoke wîre îthiga riume manjî andû onthe makîonaga. Ûguo nîguo ûkaaruta manjî kuuma îthigarî ma kûnyuwa nî andû, makaanyua onthe vamwe na ndîthia yao.”

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

1Akor 10:4

na makînyua manjî ma kîîroho. Nîmaanyuire manjî maumîte îthigarî rîa kîîroho rîrîa rîamarûmîrîre. Narîo îthiga rîu rîarî Kristû ke mwene.

Gûco 1:2

Mûndû aumîte kîrîmarî gîa Sinai athiîte Kadeshi-barinea avîtûkîrîrîte vûrûrirî ûrîa ûrî irîma wa Edomu, aathiîcaga rûgendo rwa mîthenya îkûmi na ûmwe (11).

Gûco 8:15

Ngai-Mûnene nwake wamûtongoririe kûu werûrî ûcio mûnene na warî na ûgwati mwîngî wa njoka irîa irî ûrogi na tûng'aurû. Vûrûri ûcio ndwarî na manjî na Ngai-Mûnene nîwatûmire manjî maume îthigarî mûnyue.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.