Ntha 17:14 - ÎVUKU RÎA ÛVORO MWARO

¹⁴ Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Ntha 17:14 ပူးပေါင်းရင်းမြစ်များ

2Sam 1:1

Saûlo arîkia gûkua, Daudi nîwacokire kûu Zikilagi na agîkara kuo mîthenya îîrî arîkia kûvoota Amaleki.

2Sam 8:12

Namo mavûrûri marîa aavootete nîmo; Edomu, Moabu, Aamoni, Filisiti na Amaleki. Nîwavecanire wana gîcunjî kîmwe Kîam indo irîa aatavîte kuuma kûrî Hadadezeri.

1Maû 4:42

Andû magana matano (500) a mûvîrîga wa Simeoni nîmaathiîre kîrîmarî gîa Seiru matongoretue nî Pelatia, Nearia, Refaia na Uzieli, avîcî a Ishi.

1Maû 4:43

Nao nîmaaûragire Amaleki arîa maatigarîte na maaûrîte na nîkuo matûûraga nginya ûmûnthî.

Ezira 9:14

Anga nwatûthiî na mbere kuna maathani maku rîngî na andû etû mavikie erîtu ao, kana erîtu etû mavikue nî andû aya acûku û na mekaga maûndû marî magigi? Na kinthî ndûngîrakara nîtue na ûtûcûkangie viû na kwîthîrwe gûtarî mûndû ûgûtigwa arî mwoyo.

Ayubu 18:17

Ngumo yake nîrathira gûkû nthî, gûtirî mûndû gûkû nthî ûramûririkana.

Ayubu 19:23

Naarî kethîrwa mateta makwa nîmaandîkirwe? Naarî kethîrwa nîmaandîkirwe mbukurî!

Thaburi 9:6

Nthû cietû nîithirîte na ikariganîra tene na tene, nîûcûkangîtie matûûra mau mao, na matikaaririkanwa rîngî tene na tene.

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 17:13

Ûguo nîguo Joshua aavootire Amaleki.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Ntha 32:33

Ngai-Mûnene nîwacokerie Musa atîrî, “Andû arîa meevirie nîo ngaavuta marîîtwa mao îvukuurî rîakwa.

Ntha 34:27

Ngai-Mûnene nîwacokire akîra Musa atîrî, “Andîka ciugo ino, nîûndû nîndûthîte kîrîkanîro nawe na andû a Isiraeli na njîra ya ciugo ino.”

Nthi 10:7

Andû nîmakenaga makîririkana mûndû ûrîa ûkuîte arî mûthingu, nwatî mûndû ûrîa mûcûku akua nîariganagîra.

Jeremia 30:2

“Nie Ngai-Mûnene, Ngai wa Isiraeli nîrakwîra wandîke maûndû monthe marîa nakwîra îvukuurî.

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Ndari 24:20

Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

Ndari 33:2

Musa nîwandîkire marîîtwa ma kûrîa kuonthe maambaga magema wata ûrîa aathîtwe nî Ngai-Mûnene.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”

1Sam 15:18

na nîwakwathire ûthiî ûgacûkangie evia acio a Amaleki, ûrûe nao nginya ûmaûrage onthe.

1Sam 30:1

Vuva wa mîthenya îthatû, Daudi marî na andû ake nîmaacokire Zikilagi. Nao Amaleki nîmaatharîkîrîte mwena wa îveti wa Juda na makavoota îtûûra rîa Zikilagi na nîmaarîvîvîtie

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.