Ntha 16:32 - ÎVUKU RÎA ÛVORO MWARO

³² Nake Musa nîwaugire atîrî, “Ngai-Mûnene nîwathanîte twige maana mamwe nîguo njiarwa cietû cionage irio irîa aatûveere tûrîcage tûrî werûrî rîrîa aatûrutire vûrûri wa Misiri.”

Ntha 16:32 ပူးပေါင်းရင်းမြစ်များ

Thaburi 105:5

Ririkanani maûndû ma magegania marîa eekire, ciama ciake na ûrîa aaririe ûvoro wa gûtucanîra ciira.

Ntha 16:16

Ngai-Mûnene augîte atî wa mûndû nîaûnganagie ciîgana wata ûrîa angîvatara kûringana na ûrîa wa mûciî ûrî na andû megana. Wa mûndû akaarîcaga kilo igîrî.”

Ntha 16:31

Nao andû a Isiraeli nîmaavere irio icio rîîtwa magîciîta maana. Nacio ciekariî ta kavîndî kanini ka rangi mûcerû, na mûcamo wacio warî ta tûmîgate tûrugîtwe na ûûkî.

Ntha 16:33

Kwoguo Musa nîwerire Aroni atîrî, “Oca nyûngû wîkîre maana kuo na ûmige varîa Ngai-Mûnene agoocagîrwa nîguo njiarwa cietû ikoonaga.”

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Hosea 11:4

Namatongoririe na ntha na wendo wata ûrîa mûciari ocaga wa mwana akamwiga ciande, nwata guo wananie namekire. Nie nakuamîrîrie na ngîmava gîa kûrîa.

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.