Ntha 16:3 - ÎVUKU RÎA ÛVORO MWARO

³ na makîmeera atîrî, “Nî kava Ngai-Mûnene angîatûûragîre Misiri, nîûndû kûu nîtwekaraga nthî tûkarîa nyama na irio cionthe irîa twendaga. Nwatî mwatûretire gûkû werûrî nîguo tuonthe tûkuîre kuo nî yûra.”

Ntha 16:3 ပူးပေါင်းရင်းမြစ်များ

2Sam 18:33

Mûthamaki nîwamakire mûno. Nîwathiîre nyombarî îrîa yarî îgûrû rîa kîvingo na akîrîrîra Abusalomu. Aathiîre akîrîraga akiugaga atîrî, “Wûi mûvîcîwa! Mûvîcîwa Abusalomu! Wûi Abusalomu mûvîcîwa! Naarî kethîrwa nînie nîrakuire vandûrî vaku, mûvîcîwa! Abusalomu mûvîcîwa!”

Ayubu 3:1

Vuva wa maûndû mau, Ayubu nîwatumûrire kanyua na akîruma mûthenya ûrîa aaciarirwe.

Ayubu 3:10

Ûtukû ûcio ndwavinga nda ya nyanya, na ndwagiria mona thîna na kîeva.

Ayubu 3:20

“Ngai atûmaga andû arîa marî na mathîna matûûra nîkî? Etîkagîra arîa marî na ûrûrû wa ngoro matûûra nîkî?

Thaburi 107:5

Maarî avûtu na makanyonda, na nîmaatete mwîvoko.

Thaburi 78:19

Nîmaarumire Ngai makiugaga atîrî, “Ngai nwa atûretere irio werûrî?

Thaburi 78:25

Kwoguo nîmaarîre irio cia araika, Ngai nîwamavere irio cia kwîgana.

Ntha 14:11

Nao nîmeerire Musa atîrî, “Nîkwa gûtaarî mbîrîra kûu Misiri nîguo ûtûrute kuo tûke tûkuîre gûkû werûrî? Taroria ûrîa wîkîte nîûndû wa gûtûruta Misiri!

Ntha 17:3

Nwatî andû maarî anyondu mûno, na nîmaathiîre na mbere gûteta makîûragia Musa atîrî, “Nîndûî gîatûmire ûtûruta Misiri? Wendaga tûke ûtûragîre gûkû werûrî na nyonda tûrî vamwe na ciana cietû na ng'ombe cietû?”

Ntha 2:23

Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na

Ntha 5:21

Nao nîmeerire Musa na Aroni atîrî, “Ngai-Mûnene nîonete ûrîa mwîkîte na nîakûmûtuîra nîûndû nîmûtûmîte mûthamaki na atongoria ake matûthûra. Nîmûmavete kîîgwatio gîa gûtûraga.”

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Jeremia 42:14

na muge atî mûrenda kûthiî gûtûûra Misiri, kûrîa mûtagaacemania na mbaara kana mwîgua mûgambo wa tûrumbeta, kana mûtura irio;

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ndari 11:15

Ethîrwa ûguo nîguo ûkûthiî na mbere kûmbîka nakûthaitha ûmbûrage nîguo ndige kûthînîka ûguo nîrathînîka.”

Ndari 11:20

nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 14:2

Nîmaatetirie Musa na Aroni makiugaga atîrî, “Wana kava tûngîakuîrîre Misiri kana tûkuîre gûkû werûrî!

Ndari 14:3

Ngai-Mûnene aratûvira vûrûrirî ûcio nîkî? Tûkaaûragîrwa mbaararî na aka etû na ciana itavwe. Tî kava tûcoke Misiri?”

Ndari 16:13

Ûguo wekire nî mwîganu! Watûrutire Misiri vûrûri warî na îriia na ûûkî, na ûgîtûrete gûkû werûrî nîguo ûtûragîre kuo? Wana rîu ûrenda gûtwatha?

Ndari 16:41

Mûthenya ûcio warûmîrîrîte, andû onthe a Isiraeli nîmaatetirie Musa na Aroni makîmeeraga atîrî, “Nîmwaûraga andû a Ngai-Mûnene.”

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Ciîko 26:29

Nake Paûlo nîwamwîrire atîrî, “Wana ethîrwa nî kavinda gakuvî kana karaca, îvoya rîakwa kûrî Ngai nî atî we na arîa engî onthe manthikîrîrîtie ûmûnthî matuîke tanie, wa tiga tu matikovwe na mînyororo ta îno!”

1Akor 4:8

Nîkwa mûreciria atî nîmûrîkîtie kûgîa na maûndû monthe marîa mûvatarîte? Mwîciragia atî mue mûrî atongu? Nîkwa mûreciria atî nîmûrîkîtie gûtuîka athamaki wana ethîrwa tue tûtirî athamaki? Naarî kethîrwa mue mûrî athamaki, nîguo wanatue tûtuîke athamaki vamwe namue.

2Akor 11:1

Nie nîngûmûthaitha mûngirîrîrie wana ethîrwa nîrî mûritu vanini. Ngirîrîriani.

Gûco 28:67

Kîraûko gwakîa mûkaaûragia gûgaatuka rî, na kîvwaî gûgîtuka mûkaûragia gûgaakîa rî, nîûndû wa guoya nyîngî wa maûndû marîa mûkeethagîrwa mûkîona.

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.

Josh 7:7

Joshua nîwaûririe atîrî, “Ûûi, Mwathani Ngai-Mûnene! Watûringirie rûnjî rwa Jorodani nîkî? Watûretire tuonthe nîguo ûtûnenganîre kûrî Aamori matûthirie? Nî kava tûngîekarire mûringo ûrîa wîngî wa rûnjî rwa Jorodani.