Ntha 16:15 - ÎVUKU RÎA ÛVORO MWARO

¹⁵ Rîrîa andû a Isiraeli maakîonire nîmaaûranirie o ene atîrî, “Nîndûî gîkî?” Musa nîwamacokerie atîrî, “Ino nî irio îrîa Ngai-Mûnene amûveete mûrîe.

Ntha 16:15 ပူးပေါင်းရင်းမြစ်များ

Nehemia 9:15

“Mavûta nîwamavere mîgate kuuma îgûrû, na manyonda nîwamavere manjî kuuma rûciararî. Nîwamerire mathiî makegwatîre vûrûri ûrîa wamerîrîte atî nîûkaamava.

Nehemia 9:20

Nîwamathomithirie maûndû na njîra ya Roho waku mwaro, na nîwamavaithirie na irio cia maana, na ûkîmava manjî ma kûnyua.

Thaburi 105:40

Nîmeetirie irio, na Ngai akîmatûmîra tûthirimûkû, akîmava irio nyîngî kuuma îgûrû.

Thaburi 78:24

Nîwamavere maana kuuma îgûrû, nîwamavere irio kuuma îgûrû marîe.

Ntha 16:31

Nao andû a Isiraeli nîmaavere irio icio rîîtwa magîciîta maana. Nacio ciekariî ta kavîndî kanini ka rangi mûcerû, na mûcamo wacio warî ta tûmîgate tûrugîtwe na ûûkî.

Ntha 16:33

Kwoguo Musa nîwerire Aroni atîrî, “Oca nyûngû wîkîre maana kuo na ûmige varîa Ngai-Mûnene agoocagîrwa nîguo njiarwa cietû ikoonaga.”

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Nthi 9:5

“Ûkani mûrîe irio irîa nîmûvarîrîrîtie, na mûnyue ndivei mbaro îrîa mvarîrîrîtie.

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Luka 12:30

(Nîûndû wana andû onthe a nthî îno arîa matetîkîtie matangîkaga magîcaria maûndû mau. Ngai îthe wenyu nî wîcî nîmûvatarîte maûndû mau.)

Johana 6:49

Methe menyu ma tene maarîre maana werûrî na magîkua.

Johana 6:58

Ûyû nîguo mûgate ûrîa wanyûrûrûkire kuuma îgûrû. Ndwîkariî ta mûgate ûrîa warîrwe nî methe menyu ma tene na vuvarî magîkua. Nwatî mûndû wa wonthe ûrîa ûrîcaga mûgate ûyû nîagaatûûra tene na tene.”

1Akor 10:3

Onthe nîmaarîre irio cia kîîroho

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

Josh 5:12

Kuuma mûthenya ûcio maana nîmaatigire kûgwa na Aisiraeli matiacoka kûmarîa rîngî. Nwatî maacokire kûrîcaga irio ikûrîte mîgûndarî ya Kanaani.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.