Ntha 15:8 - ÎVUKU RÎA ÛVORO MWARO

⁸ Na njîra ya mîvevû yaku manjî nîmeyûmbanîrîre makîrûngama ta rûthingo; kûrîa kûrikîru kwa îria gûgîtuîka kûndû kûnyaru.

Ntha 15:8 ပူးပေါင်းရင်းမြစ်များ

2Sam 22:16

Vîndî îo kûndû kûrîa kûrikîru mûno kwa îria nîkwonekire, mîcingi ya nthî ikîguûrua rîrîa Ngai-Mûnene aarumire nthû ciake, na agîikaania arî na marakara.

Ayubu 4:9

Andû acio nîmathiragua viû nî mîvevû ya Ngai, amavûraga na marakara make akamathiria viû.

Thaburi 33:7

Aaûnganirie manjî monthe ma îriarî na akîmaiga vandû vamwe, aavingîre manjî monthe vamwe ta mûndû avingîrîte irio makûmbîrî.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 37:7

Taroria, nîngûtûma egue ûvoro ûcio na ûtûme acoke vûrûrirî wake, na kûu nîkuo ngaatûma aûragîrwe.’ ”

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Habakuku 3:15

Wathiîrîre îriarî na mbarathi ciaku, îria rîrî na makûmbî manene ma manjî.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Josh 3:16

manjî marîa maanyûrûrûkaga nîmaarûngamire na makîyûmba vamwe. Maarûngamire varaca vandû vetagwa Adamu, îtûûra rîrîa rîrî vakuvî na Zarethani. Manjî nî maatigire kûnyûrûrûka îriarî rîa Cumbî, nao andû makîringîra nthî nyûmû vakuvî na Jeriko.