Ntha 15:5 - ÎVUKU RÎA ÛVORO MWARO

⁵ Maakunîkîrwe nî manjî ma îria îriku, maavorokeere nginya gîtina Kîam îria ta îthiga.

Ntha 15:5 ပူးပေါင်းရင်းမြစ်များ

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Thaburi 106:11

Nthû ciao nîciaûrîre manjîrî, na gûtirî wanarî ûmwe wao watigarire.

Ntha 14:28

Manjî nî maacokire magîkunîkîra ngari cia mbarathi, atwari a cio, na athigari a mbaara onthe arîa marûmîrîrîtie andû a Isiraeli îriarî. Gûtirî wana ûmwe watigarire.

Ntha 15:10

Nwatî rîrîa rûkûngi rwaku rwavurutanire we Ngai-Mûnene, andû a Misiri maakunîkirwe nî îria. Maaûrîre manjîrî meengî ta ûrîa cuuma yûragîra.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Nthi 8:24

Naciarirwe mbere ya maria maûmbwa, rîrîa gûtaarî na kûndû kûrîa kûtherûkaga manjî.

Ezek 27:34

Nwatî rîu unîkangîrîte na kûu îriarî, na ûkaûrîra kûrîa kûrikîru mûno manjîrî. Indo irîa ûrakuîte na andû arîa mararî merirî, nîmaûrîrîte manjîrî vamwe nawe.

Jona 2:2

na akiuga atîrî, “Rîrîa naagiîkaga, nînaagwîtire we Ngai-Mûnene, na nîwandethirie. Rîrîa naarî îvurî rîa arîa akuû, nînetanire na ûkîmbîgua.

Mika 7:19

Ngai-Mûnene, twîguîre ntha rîngî, na ûrangîrîrie mavîtia metû rungu rwa makinyo maku, na ûmaikie îriarî kûrîa kûrikîru mûno.

Mathaayo 18:6

“Mûndû wa wonthe angîvîtithia kamwe ga twana tûtû tûmbîtîkîtie, nîkava mûndû ûcio overerwe îthiga rîa kîthîi ngingo, na acoke aikue îriarî kûrîa kûrikîru.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.