Ntha 15:21 - ÎVUKU RÎA ÛVORO MWARO

²¹ Nake Miriamu nîwamainîre atîrî: “Inîrani Ngai-Mûnene, nîûndû ke nîagîte na ûvootani ûrî na riiri. Ke nîaikîtie mbarathi na atwari a cio îriarî.”

Ntha 15:21 ပူးပေါင်းရင်းမြစ်များ

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

2Maû 5:13

Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

Thaburi 76:6

Rîrîa wamagûkirie, we Ngai wa Jakovu, mbarathi ciao na arîa mathiîcaga maitwîte nîmaagwîre na magîkua.

Ntha 15:1

Musa na andû a Isiraeli nîmaainîre Ngai-Mûnene rwîmbo rûrû makiugaga atîrî, Nie nîngwinîra Ngai-Mûnene, nîûndû ke nî agîîte na ûvootani ûrî na riiri, nîwikîtie mbarathi na atwari a cio îriarî.

Ntha 15:4

“Ke nîwaikirie athigari a mbaara a Misiri na ngari ciao cia mbarathi îriarî; anene arîa aro mûno a mbaara maaûrîîre manjîrî ma Îria Îtune.

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Atir 5:3

Tathikîrîriani, mue athamaki! Tathikîrîriani, mue atongoria! Nîngwina, nîngwina, nîngwinîra Ngai-Mûnene wa Isiraeli rwîmbo.

1Sam 18:6

Rîrîa Daudi marî na athigari a mbaara menûkîte arîkia kûûraga Goliathu, aka nîmaaumire matûûrarî monthe ma Isiraeli na makîthiî gûtûnga Saûlo. Maathiîre makinaga na makîrûgarûgaga nîûndû wa gûkena makîvûraga tamburini na ngita cia mîthemba na mîthemba.

1Sam 18:7

Nao magîkûngûîra, aka maainaga magîcokanagîria makiugaga atîrî, “Saûlo nîaûragîte andû ngiri nyîngî nwatî Daudi aûragîte ngiri makûmi meengî.”