Ntha 15:20 - ÎVUKU RÎA ÛVORO MWARO

²⁰ Nake mûndûmûka ûmwe mûrathi wetagwa Miriamu, na aarî mwarwang'ina na Aroni, nîwocire tamburini yake, nao aka acio engî nîmaamumire vuva na tamburini ciao makîinagia.

Ntha 15:20 ပူးပေါင်းရင်းမြစ်များ

Kîam 31:27

Wathiîre na nthitho nîkî, ûkîmveenia na ûkîrega kûmbîra na nîngîakumagaririe ngîkwinagîra nyîmbo na tamburini na ngita?

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

2Sam 6:16

Rîrîa îthandûkû rîa kîrîkanîro Kîam Ngai-Mûnene rîatonyagua îtûûrarî rîa Daudi, Mikali mwarî wa Saûlo nîwarorererie ndiricarî na akîona mûthamaki Daudi akinîra Ngai-Mûnene akîrûgarûgaga. Nake nîwanyararire Daudi.

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

2Atha 22:14

Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,

1Maû 15:16

Nîwathire anene a Alawi mathuure andû amwe ao a kwina makîvûraga indo ta ngita na ithaani irîa iringithanagua nîguo maine nyîmbo na gîkeno maugîrîrîtie.

1Maû 6:3

Amuramu aarî na avîcî aîrî. Nao maarî: Aroni na Musa, na aarî na mwîrîtu ûmwe wetagwa Miriamu. Aroni aarî na avîcî ana. Nao maarî: Nadabu, Abihu, Eleazaru, na Ithamaru.

Nehemia 6:14

Nînavoire Ngai ngiuga atîrî, “Ngai wakwa, ririkana maûndû marîa Tobia na Sanibalati mekîte, wana ûririkane mûrathi ûrîa mûndûmûka wîtagwa Noadia na arathi acio engî arîa maageragia kûmbîguithia guoya.”

Thaburi 149:3

Kumiani rîîtwa rîake mûkîinagia, nîmamwinîre na nduramu na mîtûrirû!

Thaburi 150:4

Mûkumieni na ndarama mûkîinagia, mûkumieni na ngita na mîtûrirû,

Thaburi 30:11

Nîûtûmîte gûcakaya gwakwa gûtuîka gîkeno, nî ûnthirîrîtie kîeva kanthiûrûrûkîria na gîkeno.

Thaburi 68:11

Mwathani nîwathanire, nao aka eengî nîmaanîrîre ndûmîrîri makiugaga atîrî,

Thaburi 68:25

Aini marî mbere, nao avûûri inanda marî vuva, gatagatî kao kûrî na erîtu makîvûraga tamburini.

Thaburi 68:26

“Kumiani Ngai mûrî kîûnganorî Kîam andû eengî, kumiani Ngai-Mûnene, mue njiarwa cia Isiraeli!”

Thaburi 81:2

Inani rwîmbo mûkîvûraga tamburini, vûrani inanda na ngita irîa îgambaga waro.

Ntha 2:4

Mwarwang'ina na kaana kau nîwarûngamire varaca nîguo one ûrîa kûngîtuîkîka kûrî kaana kau.

Mûvunjia 3:4

Kavinda ga kûrîra na kavinda ga gûkena, kavinda ga kîeva na kavinda ga kwîinia.

Jeremia 31:4

Nîngamûvanda rîngî, na nîmûgekindîria mue andû akwa a Isiraeli! Nîmûgooca rîngî indo cienyu cia kwina mwîinie na gîkeno mûcanjamûkîte.

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Ndari 12:1

Aroni na Miriamu nîmaamenererie Musa nîûndû wa mûndûmûka Mûkushi ûrîa aavikîtie.

Ndari 12:2

Nîmaaûririe atîrî, “Nîkwa Ngai-Mûnene arîrîtie Musa tu? Na kinthî wanatue ndatwarîrîtie?” Nake Ngai-Mûnene nîwegwire ûrîa maaugire.

Ndari 20:1

Mweri wa mbere, andû onthe a Isiraeli nîmaakinyire werûrî wa Zini na makîamba magema mao Kadeshi. Miriamu nîwakuîrîre kûu na akîthikwa wa kuo.

Ndari 26:59

Mûka wa Amuramu eetagwa Jokebedi mwarî wa Lawi. Jokebedi aaciarîrwe Misiri. Jokebedi aaciarîre Amuramu anake aîrî: Aroni na Musa, na mwîrîtu ûmwe wetagwa Miriamu.

Luka 2:36

Na wa kûu hekarûrî kwarî na mûndûmûka mûkûrû wa ndigwa na aarî mûrathi. Nake eetagwa Ana, mwarî wa Fanueli na aarî wa mûvîrîga wa Asheri. Ana ndarî na mûthuuri nîûndû kuuma aavika, eekaranirie na mûthuuri wake kavinda ka mîaka mûgwanja tu. Vîndî îo aarî na ûkûrû wa mîaka mîrongo înana na îna.

Ciîko 21:9

Nake aarî na erîtu ana mataarî aviku na maarî na kîveo Kîam ûrathi.

1Akor 11:5

Nake mûndûmûka wa wonthe ûvoyaga kana wanagîrîra ndûmîrîri ya Ngai atekunîkîrîte kîongo gîake vîndî îrîa andû arîa engî maravoya nîaconorithagia mûthuuriwe. Gûtirî ngûrani gatagatî ka mûndûmûka ûcio na mûndûmûka ûrîa wenjetwe kîongo.

1Akor 14:34

aka marî kanitharî magîrîrwe nî gûkira. Matiîtîkîrîtue kwaria, nwatî nîmagîrîrwe nî kwathîka wata ûrîa watho wa Ayahudi ugîte.

Atir 11:34

Rîrîa Jefitha aacokire mûciî kûu Mizipa, mwarî nîwaumire nja na akîthiî kûmûtûnga akîinagia akîvûraga tamburini. Nîke warî mwana wake wenga, ndaarî na mwana wîngî wa kavîcî kana wa kerîtu.

Atir 21:21

na mwîkare mûroretie. Rîrîa erîtu a kûu Shilo makaumîra kwîinia vîndî ya kîrugo, mûkaumîra mûgûndarî wa mîthavibu na wa mûndû akenyitîra mûka vo na vinya mûkînathiî nao vûrûrirî wa Benjamini.

Atir 4:4

Nake Debora mûka wa Lapidothu aarî mûrathi na nîke watiragîrîra Aisiraeli vîndî îo.

1Sam 10:5

Vuva wa ûguo, we ûthiî na mbere nginya kîrîmarî Kîam Ngai kîrîa kîrî Gibea. Kûu nîkuo Afilisiti matumîte magema mao. Wakinya vau kîvingorî gîa îtûûra ûgatûngana na gîkundi Kîam arathi manyûrûrûkîte makîvûraga inanda, ndarama, mîtûrirû, na ngita. Nao makethîrwa maumîte metharî ya Kîgongoona kûu Kîrîmarî makinaga maugîrîrîtie.

1Sam 18:6

Rîrîa Daudi marî na athigari a mbaara menûkîte arîkia kûûraga Goliathu, aka nîmaaumire matûûrarî monthe ma Isiraeli na makîthiî gûtûnga Saûlo. Maathiîre makinaga na makîrûgarûgaga nîûndû wa gûkena makîvûraga tamburini na ngita cia mîthemba na mîthemba.