Ntha 15:15 - ÎVUKU RÎA ÛVORO MWARO

¹⁵ Atongoria a Edomu nî amaku; nao andû arîa marî vinya a Moabu nîmarainaina nîûndû wa guoya; andû a Kanaani nîmathirîtwe nî ûmîrîru.

Ntha 15:15 ပူးပေါင်းရင်းမြစ်များ

Kîam 36:15

Îno nîo mîvîrîga îrîa yaumire kûrî avîcî a Esaû. Elifazi, îrikithathi rîa Esaû nîke warî îthe wa tene wa mîvîrîga ya Temani, Omari, Zefo, Kenazi,

Kîam 36:16

Kora, Gatamu na Amaleki. Andû aya maarî njiarwa cia mûka wa Esaû ûrîa wetagwa Ada.

Kîam 36:40

Esaû nîke warî îthe wa tene wa mîvîrîga ya andû a Edomu. Wa kûrîa mûvîrîga watûûraga, gwetanagua na rîîtwa rîaguo. Nayo yarî: Timuna, Aliva, Jafethi,

2Sam 17:10

Nake mûndû ûrîa mûmîrîru mûno, na ûrî ngoro ta ya mûnyambû nîagetigîra nîûndû Aisiraeli onthe nîmaicî atî aguo nî mûndû wicî kûrûa mûno na andû ake methagîrwa marî njamba.

Thaburi 48:5

Nwatî rîrîa maakîonire, nîmaamakire; nîmegwire guoya na makîûra.

Thaburi 68:2

Amaûmbûraga ta ûrîa ndogo yûmbûragwa nî rûkûngi; andû arîa aganu mathiragua nî Ngai, ta ûrîa mûvûra ûrarûragwa nî mwaki.

Isaia 13:7

Kwoguo njara cia andû onthe nîikaaregera, na ngoro cia andû onthe iringîke.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Jeremia 49:23

Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Habakuku 3:6

Aarûngamire nthî îkinaina, aaroririe mavûrûri makîthingitha. Irîma cia tene na tene nîcianyaganirue, tûrîma tûrîa tûtûûraga tene na tene nîtwavaraganirue. Kûu nîkuo njîra ciake irî kuuma tene na tene.

Habakuku 3:7

Nonire andû a Kushani makîthînîka, na andû a Midiani makinaina.

Gûco 2:4

na wîre andû atî, mûrî vakuvî kûvîtûkîrîra vûrûrirî ûrîa ûrî irîma wa Edomu, vûrûri wa andû enyu na nîo njiarwa cia Esaû. Andû acio nîmakaamwîtigîra.

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Josh 14:8

Nwatî andû arîa naathiîcanirie nao nîmaatûmire andû etû metigîre. Nwatî nie nînathîkîre Ngai-Mûnene, Ngai wakwa nîrî na wîvokeku.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

1Sam 14:16

Nao arangîri a Saûlo marî Gibea kûu vûrûrirî wa Benjamini nîmoonire Afilisiti makîvinyûra mîena yonthe marî avîngîcîku.