Ntha 15:11 - ÎVUKU RÎA ÛVORO MWARO

¹¹ Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 15:11 ပူးပေါင်းရင်းမြစ်များ

2Sam 7:22

Kaî wî mûnene we Ngai-Mûnene, Ngai-î! Gatagatîrî ka arîa onthe twaneegua gûtirî wîngî wîkariî tawe.

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

1Maû 16:25

Ngai-Mûnene nî mûnene na nîwagîrîrwe nî gûkumua mûno, nîwagîrîrwe nî kûvewa gîtîîo gûkîra ngai cionthe.

2Maû 2:5

Hekarû îrîa ngaatuma îkethîrwa îrî nene nîûndû Ngai wetû nî mûnene gûkîra ngai cionthe.

2Maû 6:14

na akîvoya atîrî, “Ngai-Mûnene, Ngai wa Isiraeli, îgûrû na nthî gûtirî Ngai wîngî ta we. We nîûvingagia kîrîkanîro gîaku na andû aku na nîwonanagia wendo waku ûtathiraga kûrî ndungata ciaku irîa ikwathîkagîra na ngoro yonthe.

Thaburi 113:5

Nîûrîkû wîkariî ta Ngai-Mûnene Ngai wetû? Ke atûûraga îgûrû mûno,

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 136:4

Nîke wenga wîkaga maûndû manene ma magegania; nîûndû wendo wake ûtathiraga ûtûûraga tene na tene.

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 22:23

Mue nîmûgoocaga Ngai-Mûnene, mûkumieni! Mue njiarwa cionthe cia Jakovu, mûkumieni! Mue andû onthe a Isiraeli, mûgooceni!

Thaburi 35:10

Nîngera Ngai-Mûnene na ngoro yakwa yonthe atîrî, “Gûtirî wîngî tawe we Ngai-Mûnene. Nîûvonokagia arîa matarî vinya kuuma kûrî arîa marî vinya, athîni na avatari kuuma kûrî arîa mavinyanagîrîria.”

Thaburi 60:2

Nîûtûmîte vûrûri winaine na watûkane; cokanîrîria vûrûri rîngî nîûndû nîkwa ûrathira.

Thaburi 66:5

Ûkani mwone ûrîa Ngai ekîte, nîekîte maûndû ma kûgegania gatagatîrî ka andû.

Thaburi 77:11

Nîngaaririkana ciîko ciaku, we Ngai-Mûnene; nîngeciria maûndû maku ma magegania marîa wekire tene.

Thaburi 77:14

We nîwe Ngai ûrîa ûringaga ciama; nîwonanirie vinya waku kûrî mavûrûri.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Thaburi 86:10

We wî mûnene na nîwîkaga maûndû ma magegania; we wenga tu nîwe Ngai.

Thaburi 86:8

We Mwathani, gûtirî ngai îkariî tawe; gûtirî ngai yaneka ûrîa we wîkîte.

Thaburi 89:18

We Ngai-Mûnene, vinya ûrîa ûtûgitagîra nî waku; we Ûrîa Mûtheru wa Isiraeli nîwe ûtûvete mûthamaki wetû.

Thaburi 90:11

Nîûrîkû ûngîmenya vinya wa marakara maku? Nû wicî guoya îrîa yumanaga na marakara maku?

Ntha 18:11

Rîu nîmenyete atî Ngai-Mûnene nîke mûnene gûkîra ngai cionthe. Nîûndû nîwavonokirie andû ake kuuma kûrî andû aganu a Misiri.”

Ntha 20:3

“Ndûkagooce ngai îngî tiga Nie.

Ntha 3:20

Nwatî nîngaavûthîra vinya wakwa nîguo mverithie Misiri na njîra ya gwîka maûndû ma kûmakania. Vuva wa gwîka ûguo nîmakaamûrekereria mûthiî.

Ntha 8:10

Mûthamaki nîwacokirie atîrî, “Ûkaamvoera rûyû.” Musa nîwacokire akiuga atîrî, “Nîngeka ûrîa waûria na nîûkaamenya atî gûtirî Ngai wîngî tiga Ngai-Mûnene, Ngai wetû.

Ntha 8:6

Kwoguo Aroni nîwakûnjûrire njara agîûkîrîria mûragi wake îgûrû rîa manjî monthe ma Misiri, nacio ciûra nîciaumire igîcûra vûrûri wonthe wa Misiri.

Ntha 9:14

Vîndî îno ngaakûverithia, ndûme îvera kûrî anene aku na kûrî andû aku. Nawe nîûkaamenya atî gûtirî wîngî wîkariî tanie nthî yonthe.

Isaia 30:11

Umani njîrarî na mûtige gûtûvîngîca, tûtikwenda kwîgua rîngî Ûrîa Mûtheru wa Isiraeli akîgwetwa.’ ”

Isaia 40:18

Kwoguo mûngîringithania Ngai na ndûî, kana nîndûî mûngîmûvuanania nakîo?

Isaia 40:25

Ûrîa Mûtheru araûria atîrî, “Nîûrîkû mûngîningithania nake, kûrî na wîngî wîkariî tanie?”

Isaia 46:9

Ririkanani maûndû marîa meekirwe tene; nîûndû Nie nînie Ngai na gûtirî wîngî, nie nînie Ngai na gûtirî wîngî tanie.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Gûco 3:24

‘Mwathani, Ngai-Mûnene, we nîwambîrîrîtie kûmonia, nie ndungata yaku ûnene na vinya waku. Nî ngai îrîkû gûkû nthî kana kûu îgûrû îngîvota gwîka ciîko cia vinya na maûndû manene ta mama wîkîte?

Gûco 33:26

Musa nîwarîkîrîrie na kuga atîrî, “Mue andû a Isiraeli, gûtirî ngai îkariî ta Ngai wenyu, atuîkanagîria îgûrû na vinya wake, atuîkanagîria matuurî aûkîte kûmûtethia.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Kûguû 13:4

Nao andû onthe nîmaagoocire njûnamatu îo nîûndû nîyavete nyamû îo wathani. O nîmaagoocire nyamû îo wa nayo makiugaga atîrî, “Nû wîkariî ta nyamû, na nû ûngîvota kûrûa nayo?”

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.