Ntha 14:8 - ÎVUKU RÎA ÛVORO MWARO

⁸ Nake Ngai-Mûnene nîwatûmire ngoro ya mûthamaki wa Misiri yûma, na akîrûmîrîra andû a Isiraeli arîa maathiîre marî na ûmîrîru.

Ntha 14:8 ပူးပေါင်းရင်းမြစ်များ

Thaburi 105:43

Kwoguo nîwatongoririe andû ake makiuma vûrûrirî, andû ake maaumire kuo makinaga marî na gîkeno.

Thaburi 86:13

Wendo waku ûtathiraga kûrî nie nî mûnene, nîûmvonoketie kuuma ûgwatirî wa gîkuû.

Ntha 10:27

Ngai-Mûnene nîwatûmire ngoro ya mûthamaki wa Misiri îtuîka nyûmû na mûthamaki akîrega gwîtîkîria andû a Isiraeli mathiî.

Ntha 13:16

Ûndû ûyû ûkethagîrwa wîkariî ta kîndû kîovereretwe njara kana rûûri rwîkîrîtwe mothiûrî metû wa gûtûririkania atî Ngai-Mûnene aatûrutire vûrûri wa Misiri na njîra ya vinya wake mûnene.’ ”

Ntha 13:18

Vandû va ûguo Ngai aamatongoririe na njîra îrîa îthiûrûrûkîte werû îthiîte îriarî îtune. Nao andû a Isiraeli maaumire vûrûri wa Misiri mevarîrîtie na indo cia mbaara.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 14:17

Nanie nîngûmia ngoro cia andû a Misiri nîguo mamûrûmîrîrie, na nîngûgîa na gîtîîo nîûndû wa kûvoota mûthamaki wa Misiri, athigari a mbaara, ngari ciake cia mbarathi, na andû ake arîa mathiîcaga matwîte mbarathi.

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 14:7

Nîwathiîre na ngari cia mbarathi irîa mbaro magana matandatû, wa vamwe na ngari icio ciîngî cia mbarathi cia Misiri na anene a cio.

Ntha 15:9

Nthû yaugire atîrî, ‘Nie nîngûmarûmîrîria na nîmanyite, nîngûgaania ûtonga wao na nthiî na ûrîa wonthe ngwenda, nîngûcomora rûviû rwa njûra nîmathirie na njara yakwa.’

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

Ntha 6:1

Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 9:12

Nwatî Ngai-Mûnene nîwatûmire ngoro ya mûthamaki wa Misiri îtuîke nyûmû na mûthamaki akîrega kûthikîrîria Musa na Aroni.

Maca 3:65

Tiga manyitwe nî kîrumi gîaku, na ûmathirie vinya ngoro.

Alawi 26:13

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo mûtigatuîke ngombo ciao rîngî. Nînaamwovorire mînyororo îrîa mwovetwe nayo na ngîtûma mûthiîcage mûrî na wîyathi.”

Ndari 33:3

Andû a Isiraeli nîmaaumire Ramesesi vûrûrirî wa Misiri mûthenya wa îkûmi na îtano wa mweri wa mbere, mûthenya ûmwe vuva wa kîrugo Kîam mbere Kîam Pasaka. Maaumire kûu marî na ûvootani mûnene makîonagwa nî andû onthe a Misiri,

Ciîko 13:17

Ngai wa andû a Isiraeli nîwathuurire methe metû ma tene na akîmatua rûrîrî rûnene vîndî îrîa maatûûraga vûrûrirî ûtaarî wao wa Misiri. Na nîûndû ke arî vinya nyîngî, nîwamarutire vûrûrirî ûcio,

Gûco 26:8

Ngai-Mûnene nîwatûrutire vûrûrirî wa Misiri na vinya na ûvoti wake. Nîwaringire ciama na morirû na agîka maûndû ma gwîkîra andû guoya nyîngî.

Gûco 32:27

Nwatî ndingîetîkîrie nthû ciao ciîtîîe, ikiugaga atî nîciavootire andû akwa, wa rîrîa arî nie mwene naamaverithirie.’

Josh 11:20

Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

Atir 4:7

Nanie nîngaatûma Sisera mûnene wa athigari a Jabini aûke mûrûîre nake vau rûnjîrî rwa Kishoni. Nîagaaûka na ikaari ciake cia mbaara na athigari ake, nwatî ngaatûma mûmûvoote.’ ”