Ntha 14:4 - ÎVUKU RÎA ÛVORO MWARO

⁴ Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 14:4 ပူးပေါင်းရင်းမြစ်များ

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Ntha 10:2

Mue nîmûkaavota kwîra ciana cienyu wana ciana ciao maûndû ma vinya marîa nekire na ciama irîa naringîre andû a Misiri. Na mue muonthe nîmûkaamenya atî nie nînie Ngai-Mûnene.”

Ntha 10:27

Ngai-Mûnene nîwatûmire ngoro ya mûthamaki wa Misiri îtuîka nyûmû na mûthamaki akîrega gwîtîkîria andû a Isiraeli mathiî.

Ntha 12:28

Nao andû acio nîmaathiîre na magîka wata ûrîa Ngai-Mûnene aathîte Musa na Aroni.

Ntha 14:23

Nao andû a Misiri nîmaamarûmîrîrie îriarî marî na mbarathi ciao cionthe, na ngari cia mbarathi cia mbaara na atwari a cio.

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Ntha 14:3

Nîûndû mûthamaki wa Misiri ageciria atî andû a Isiraeli maraûrûra vûrûrirî mavingîrîrîtue nî werû.

Ntha 14:5

Rîrîa mûthamaki wa Misiri eerirwe atî andû a Isiraeli nîmaûrîte, ke vamwe na anene ake nîmeericûkirwe na makiuga atîrî, “Tweka atîa? Twareka andû a Isiraeli maûra na nîtwaûrwa nî ûtungata wao!”

Ntha 14:8

Nake Ngai-Mûnene nîwatûmire ngoro ya mûthamaki wa Misiri yûma, na akîrûmîrîra andû a Isiraeli arîa maathiîre marî na ûmîrîru.

Ntha 18:11

Rîu nîmenyete atî Ngai-Mûnene nîke mûnene gûkîra ngai cionthe. Nîûndû nîwavonokirie andû ake kuuma kûrî andû aganu a Misiri.”

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 7:17

Ngai-Mûnene auga atî nîûkûmenya ke nîke ûû na njîra ya ûndû ûrîa agwîka. Nie nîngûringa manjî ma rûnjî rwa Nailo na mûragi ûyû na nîmakûgarûrûka matuîke nthakame.

Ntha 7:3

Nwatî nîngûtûma ngoro ya mûthamaki yûme na wana nîngîringa ciama na monanie morirû meengî atîa kûu vûrûrirî wa Misiri.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Ezek 28:22

ûrîre atî Ngai-Mûnene Ngai augîte nîakûrûa narîo onanie riiri wake gatagatî ka rîo. Rîrîa ngoonania ûthingu wakwa na njîra ya kûrîverithia, andû nîmakaamenya atî nie nînie Ngai-Mûnene.

Ezek 32:15

Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Ezek 39:13

Andû onthe vûrûrirî nîmagaatethereria kûthika andû arîa akuû, na ûndû ûcio nîûkaamaretera ngumo mbaro vîndî îrîa ngoonania riiri wakwa. Ûguo nîguo nie Mwathani Ngai-Mûnene mbugîte.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Aroma 11:8

Wata ûrîa Mandîko Matheru maugîte atîrî, “Ngai nîwatûmire maremwa nî gwîciiria kana gûtaûkîrwa, na nginya ûmûnthî metho mao mationaga na matû mao matiîgucaga.”

Aroma 9:17

Nîûndû mandîkorî matheru Ngai erire mûthamaki wa Misiri atîrî, “Nie naagûtuire mûthamaki nîguo ngûtûmîre kwonania vinya wakwa na ngumo yakwa îtambe nthî yonthe.”

Aroma 9:18

Kwoguo Ngai nîegucagîra ntha ûrîa enda kwîguîra, na ûrîa enda kûmia ngoro nîamûûmagia.

Josh 11:20

Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

Atir 4:7

Nanie nîngaatûma Sisera mûnene wa athigari a Jabini aûke mûrûîre nake vau rûnjîrî rwa Kishoni. Nîagaaûka na ikaari ciake cia mbaara na athigari ake, nwatî ngaatûma mûmûvoote.’ ”