Ntha 14:30 - ÎVUKU RÎA ÛVORO MWARO

³⁰ Mûthenya ûcio Ngai-Mûnene nîwavonokirie andû a Isiraeli kuuma kûrî andû a Misiri. Nao andû a Isiraeli nîmoonire andû a Misiri mamamîte rûtere rwa îria marî akuû.

Ntha 14:30 ပူးပေါင်းရင်းမြစ်များ

2Maû 32:22

Kwoguo Ngai-Mûnene nîwavonokirie Hezekia na andû a Jerusalemu kuuma kûrî Senakeribu mûthamaki wa Asîria na kuuma kûrî nthû ciake cionthe. Ngai-Mûnene nîwatûmire andû a Jerusalemu mekaranie na thayû na andû onthe arîa maariganîtie nao.

Thaburi 106:10

Kwoguo nîwamavonokirie kuuma kûrî nthû ciao, na akîmakûûra kuuma kûrî vinya wa nthû ciao.

Thaburi 106:8

Kûnarî ûguo nîwamavonokirie wata ûrîa eeranîrîte, nîguo onanie vinya wake mûnene.

Thaburi 58:10

Andû arîa athingu nîmagaakena mona arîa evia makîverithua; makethambia magûrû na nthakame ya andû arîa aganu.

Thaburi 59:10

Ngai wakwa amendete na nîagaaûka kûrî nie; nîagaatûma mone nthû ciakwa ikîvootwa.

Thaburi 91:8

Nîûkûroria na metho maku we mwene, wone ûrîa andû arîa aganu maraverithua.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.

Atir 10:11

Nake Ngai-Mûnene nîwamerire atîrî, “Kinthî ndiamûvonokirie kuuma kûrî Amisiri, Aamori, Aamoni na Afilisiti?

1Sam 11:13

Nwatî Saûlo nîwamerire atîrî, “Ûmûnthî gûtirî mûndû ûkûûragwa, nîûndû ûmûnthî nîguo mûthenya ûrîa Ngai-Mûnene avonokia andû a Isiraeli.”

1Sam 14:23

Nao nîmaarûire mbaara îo na makîvîtûka Bethaveni. Nake Ngai-Mûnene nîwavonokirie andû a Isiraeli mûthenya ûcio.