Ntha 14:26 - ÎVUKU RÎA ÛVORO MWARO

²⁶ Ngai-Mûnene nîwacokire akîra Musa atîrî, “Tambûrûkia njara yaku îgûrû rîa Îria, nîguo manjî macokanîrîre makunîkîre andû a Misiri, na ngari ciao cia mbarathi na atwari a cio.”

Ntha 14:26 ပူးပေါင်းရင်းမြစ်များ

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Ntha 14:16

Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 15:1

Musa na andû a Isiraeli nîmaainîre Ngai-Mûnene rwîmbo rûrû makiugaga atîrî, Nie nîngwinîra Ngai-Mûnene, nîûndû ke nî agîîte na ûvootani ûrî na riiri, nîwikîtie mbarathi na atwari a cio îriarî.

Ntha 15:4

“Ke nîwaikirie athigari a mbaara a Misiri na ngari ciao cia mbarathi îriarî; anene arîa aro mûno a mbaara maaûrîîre manjîrî ma Îria Îtune.

Ntha 7:19

Nake Ngai-Mûnene nîwerire Musa atîrî, “Îra Aroni oce mûragi wake na akûnjûre njara yake îgûrû rîa nyûnjî cionthe cia Misiri, mîtaro ya manjî, maria monthe nîguo matuîke nthakame. Nakuo nîgûkaagîa nthakame vûrûri wonthe wa Misiri, indorî irîa ciîkagîrwa manjî cia mbaû wana cia mathiga.”

Ntha 8:5

Ngai-Mûnene nîwerire Musa atîrî, “Îra Aroni oce mûragi wake na aûkîrîrie îgûrû rîa nyûnjî, mîtaro ya manjî na maria ma manjî atûme ciûra ciume rûnjîrî ithiî ciîcûre vûrûri wonthe wa Misiri.”

Isaia 11:16

Nîgûkaagîa na njîra nene yumîte Asîria, nîûndû wa andû ake arîa maatigarire kuo, wata ûrîa gwekîkire kûrî andû a Isiraeli rîrîa maaumaga Misiri.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Mathaayo 8:27

Nao andû onthe nîmaamakire mûno na makîûria atîrî, “Mûndû ûyû nî wa mûthemba ûrîkû, ûyû ûrathîkîrwa nî rûkûngi wana îria?”

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”