Ntha 14:16 - ÎVUKU RÎA ÛVORO MWARO

¹⁶ Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 14:16 ပူးပေါင်းရင်းမြစ်များ

2Atha 4:29

Elisha nîwerire Gehazi atîrî, “Îîvarîrie na woce mûragi wakwa na ûthiî naguo. Ûngîcemania na mûndû wa wonthe njîrarî, ndûkamûkethie; na ûngîkethua nî mûndû wa wonthe, ndûkamûketheke. Thiî na wigîrîre mûragi wakwa ûthiûrî wa kaana kau.”

Ntha 14:15

Nake Ngai-Mûnene nîwerire Musa atîrî, “Ûrangaîra ngûtethie nîkî? Îra andû a Isiraeli mathiî na mbere.

Ntha 14:26

Ngai-Mûnene nîwacokire akîra Musa atîrî, “Tambûrûkia njara yaku îgûrû rîa Îria, nîguo manjî macokanîrîre makunîkîre andû a Misiri, na ngari ciao cia mbarathi na atwari a cio.”

Ntha 17:5

Nwatî Ngai-Mûnene nîwerire Musa atîrî, “Oca atongoria amwe a andû a Isiraeli ûthiî nao mbere ya andû. Kuua mûragi ûrîa waringire manjî ma rûnjî rwa Nailo naguo.

Ntha 17:6

Nîngaarûngama mbere yenyu îgûrû rîa îthiga kîrîmarî gîa Sinai. Thiî ûkaaringa îthiga rîu na mûragi waku na nîrîkaauma manjî ma kûnyuwa nî andû.” Ûguo nîguo Musa eekire akîonagwa nî atongoria onthe a Isiraeli.

Ntha 4:17

Oca mûragi ûyû ûthiî naguo, nîûndû nîguo ûkaaringa ciama naguo.”

Ntha 4:2

Nake Ngai-Mûnene nîwaûririe Musa atîrî, “Nî ndûî ûnyitîte?” Nake Musa nîwacokirie atîrî, “Nî karûthanju.”

Ntha 4:20

Kwoguo Musa nîwocire mûka na ciana ciao cia anake na akîmatwîthia mvundarî makîthiî vûrûrirî wa Misiri. Nake Musa nîwakuuire mûragi ûrîa eerîtwe nî Ngai agaakuua.

Ntha 7:19

Nake Ngai-Mûnene nîwerire Musa atîrî, “Îra Aroni oce mûragi wake na akûnjûre njara yake îgûrû rîa nyûnjî cionthe cia Misiri, mîtaro ya manjî, maria monthe nîguo matuîke nthakame. Nakuo nîgûkaagîa nthakame vûrûri wonthe wa Misiri, indorî irîa ciîkagîrwa manjî cia mbaû wana cia mathiga.”

Ntha 7:9

“Ethîrwa mûthamaki nwa ende mwîmenyithanie kûrî ke na njîra ya kûringa Kîamma, thiî ûkera Aroni oce mûragi wake na awikie vau nthî mbere ya mûthamaki. Mûragi ûcio nîûgaatuîka njoka.”

Isaia 10:26

Nie, Ngai-Mûnene mwene vinya wonthe, nîngaamariva na kîvoko ta ûrîa narivire andû a Midiani marî îthigarî rîa Orebu. Ngaamaverithia wata ûrîa naverithirie andû a Misiri.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Ndari 20:11

Musa nîwacokire agîûkîrîria mûragi wake na akîringa îthiga rîu naguo maita maîrî. Namo manjî meengî mûno nîmaaumire îthigarî rîu. Nao andû onthe a Isiraeli vamwe na ndîthia ciao nîmaanywire manjî.

Josh 8:18

Ngai-Mûnene nîwacokire akîra Joshua atîrî, “Orotithia îtumû rîaku rîu ûnyitîte îtûûrarî rîa Ai, nîûndû nîngûtûma ûrîvoote.” Joshua nîworotithirie îtumû rîake na kûu Ai wata ûrîa eerirwe.