Ntha 14:12 - ÎVUKU RÎA ÛVORO MWARO

¹² Anga tûtiakwîrire mbere ya tuume kuo atî ûndû ûyû ûgekîka? Tue twakwîrire ûtigane natue tûthiî na mbere gûtuîka ngombo cia andû a Misiri. Kûngîrî waro tûgîtungata andû a Misiri tûrî ngombo gûkîra gûkuîra gûkû werûrî.”

Ntha 14:12 ပူးပေါင်းရင်းမြစ်များ

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Ntha 13:17

Vîndî îrîa mûthamaki wa Misiri etîkîîre andû a Isiraeli mathiî, Ngai ndaamatongoria kûvîtûkîra vûrûrirî wa Afilisiti wana gwatuîka njîra îo nîyo yarî nguvî. Ngai aaugire atîrî, “Ndikwenda andû aya magarûrûka mecirie gûcoka Misiri matûngana na mbaara.”

Ntha 3:9

Nî ma nîmbîguîte kîrîro Kîam andû akwa na nîmonete ûrîa andû a Misiri maramavinyîrîria.

Ntha 5:21

Nao nîmeerire Musa na Aroni atîrî, “Ngai-Mûnene nîonete ûrîa mwîkîte na nîakûmûtuîra nîûndû nîmûtûmîte mûthamaki na atongoria ake matûthûra. Nîmûmavete kîîgwatio gîa gûtûraga.”

Ntha 6:9

Nake Musa nîwerire andû a Isiraeli maûndû mau monthe, nwatî matiamûthikîrîria, nîûndû nîmaathirîtue vinya nî ûkombo mûcûku ûrîa maarî naguo.

Hosea 4:17

Andû a Efiraimu nîmeovanîtie na mîvuano. Tigana nao!

Jona 4:3

Kwoguo rîu, we Ngai-Mûnene, nakûthaitha ûmbûrage. Nîkava ngue gûkîra ndûûre mwoyo.”

Jona 4:8

Riûa rîarîkia kûratha, Ngai nîwatûmire rûkûngi rûviû kuuma mwena wa îrathîro, na Jona nîwavîvirue kîongo mûno nî ûrugarî wa riûa nginya akîenda kûgirîka. Kwoguo nîwerirîrie gûkua na nîwaugire atîrî, “Nîkava ngue gûkîra ndûûre mwoyo.”

Maariko 1:24

“Ûrenda atîa natue we Jesû wa Nazarethi? Ûkîte gûtûthiria? Nîngwîcî we wî û. We wî ûrîa Mûtheru wa Ngai!”

Maariko 5:7

Nake nîwacokire akiugîrîria akiugaga atîrî, “Jesû Mûriû wa Ngai ûrîa ûrî Îgûrû Mûno! Nîndûî ûrenda kuumana nanie? Nie nakûthaitha na rîîtwa rîa Ngai, ndûkamverithie!”