Ntha 13:5 - ÎVUKU RÎA ÛVORO MWARO

⁵ Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 13:5 ပူးပေါင်းရင်းမြစ်များ

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

1Maû 1:15

Ahivi, Aariki, Asini,

Ntha 12:24

Mue vamwe na ciana cienyu nwanginya mûkaarûmîrîra mawatho mama vîndî cionthe.

Ntha 13:10

Kwoguo kûngûagîrani kîrugo gîkî rîrîa îvinda rîrîa rîakîo rîakinya mwaka wa mwaka.

Ntha 13:11

“Ngai-Mûnene nîakaamûkinyia vûrûri wa Kanaani ûrîa aamwîrîîre mue wana methe menyu ma tene atî nî akaamûva, mwakinya kuo,

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Ntha 33:1

Ngai-Mûnene nîwerire Musa atîrî, “Uma gûkû, we vamwe na andû arîa warutire vûrûri wa Misiri na mûthiî vûrûrirî ûrîa nerîîre Iburahimu, Isaka, na Jakovu vamwe na njiarwa ciao atî nîngaamava.

Ntha 34:11

Athîkagîra watho ûrîa ngûkûnengera ûmûnthî. Na rîrî, wa ûrîa mûkethagîrwa mûkîthiî na mbere nwaguo ngengataga Amori, Akanaani, Ahiti, Aperizi, Ahivi na Ajebusi.

Ntha 6:4

Wana nînarûthire kîrîkanîro nao ngiuga nîngaamava vûrûri wa Kanaani, vûrûri ûrîa maatûûraga ta ageni.

Ntha 6:8

Nanie nîngaamûvira vûrûrirî ûrîa nerîîre Iburahimu, Isaka na Jakovu atî nîngaamava na nîngaamûva guo ûtuîke wenyu. Nie nî Nie Ngai-Mûnene.’ ”

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 32:22

Nîwamavere vûrûri ûrîa wamerîre. Vûrûri ûrîa werîre methe metû, vûrûri ûrî îriia na ûûkî.

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Ndari 11:12

Tînie naûmbire andû aya kana ngîmaciara! Nîndûî gîatûmire ûndua ta ng'ina wao nîmakuuage ta tûkenge nîmavire vûrûri ûrîa werîre methe mao ma tene na mwîvîtwa atî nîûkaamava?

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Ndari 14:16

we waûragîre andû aku werûrî nîûndû nîwaremirwe nî kûmakinyia vûrûrirî ûrîa wamerîre.

Ndari 14:30

Gûtirî mûndû wanarî ûmwe wenyu ûgaatonya vûrûri ûrîa neranîre atî nî ngaamûva, tiga Kalebu mûvîcî wa Jefune na Joshua mûvîcî wa Nuni.

Ndari 32:11

‘Nama gûtirî wanarî mûndû ûmwe wa arîa maaumire Misiri ûrî na ûkûrû wa mîaka mîrongo îîrî kûthiî na îgûrû ûgaatonya vûrûri ûrîa nevîtire atî nîngaava Iburahimu, Isaka na Jakovu, nîûndû nîmaaregire kûmbathîkîra.’

Gûco 12:29

“Ngai-Mûnene Ngai wenyu nîakaathiria andû a vûrûri ûrîa mûgaatonya na nîmûkaawîgwatîra ûtuîke wenyu na mûtûûre kuo.

Gûco 19:1

“Rîrîa Ngai-Mûnene Ngai wenyu akaaûraga andû arîa marî vûrûrirî ûrîa akûmûva, na mûmengate na mûtûûre matûûrarî na nyomba cia vûrûri ûcio,

Gûco 26:1

“Mwarîkia gûkinya vûrûrirî ûrîa Ngai-Mûnene, Ngai wenyu akûmûva rîrî îgai rîenyu, na mûtûûre kuo,

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Josh 24:11

Nîmwaringire rûnjî rwa Jorodani na mûgîkinya Jeriko. Nao andû a Jeriko na Amori, Aperizi, Akanaani, Ahiti, Agirigashi, Ahivi na Ajebusi nîmaarûire namue. Nwatî nînaamûvotithirie kûmavoota onthe.