Ntha 13:3 - ÎVUKU RÎA ÛVORO MWARO

³ Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:3 ပူးပေါင်းရင်းမြစ်များ

Kîam 15:16

Njiarwa ciaku igaacooka gûkû irî rûciarorî rwa kana, na ndikeengata Aamori arîa matûûraga vûrûrirî ûyû nîûndû îvinda rîao rîa kûverithua rîtikethîrwa rîrî rîkinyu.”

1Atha 8:42

(nîûndû andû a mavûrûri mengî nîmakegua ngumo ya rîîtwa rîaku, vinya na ûvoti) mûndû ûcio angîgaaûka gûkûvoya arî hekarûrî îno,

1Maû 16:12

Ririkanani maûndû ma magegania marîa ekîte, na ûvoro wake wa gûtucanîra ciira.

Nehemia 1:10

“Ngai-Mûnene, andû aya nî aku na nî ndungata ciaku. Wamakûûrire na vinya na ûvoti waku mûnene.

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Thaburi 105:5

Ririkanani maûndû ma magegania marîa eekire, ciama ciake na ûrîa aaririe ûvoro wa gûtucanîra ciira.

Thaburi 114:1

Rîrîa andû a Isiraeli maaumire Misiri, rîrîa njiarwa cia Jakovu ciaumire vûrûrirî mûgeni;

Thaburi 136:11

Nîke warutire andû a Isiraeli Misiri; nîûndû wendo wake ûtathiraga ûtûûraga tene na tene;

Thaburi 136:12

na vinya wake na ûvoti mwîngî; nîûndû wendo wake ûtathiraga ûtûûraga tene na tene.

Thaburi 89:14

Ûthingu na kîvooto nîcio mûcingi wa ûthamaki waku; wendo ûtathiraga na wîvokeku nîcio igûtongoragîria.

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 12:17

Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 12:19

Mîthenyarî îo mûgwanja gûtiagîrîrwe nîkwîthîrwa kûrî na ndawa ya kwimbia mîgate nyombarî cienyu. Nîûndû mûndû wa wonthe ûkaarîa mîgate îkîrîtwe ndawa ya kwimbia wana ethîrwa nî mûgeni kana aciarîrîtwe vûrûrirî ûcio nî akaavinyûrua aume kûrî andû a Isiraeli.

Ntha 12:2

“Mweri ûyû nîguo ûgaatuîka mweri wa mbere wa mwaka wenyu.

Ntha 12:41

Na mûthenya ûcio mîaka magana mana na mîrongo îthatû yakinyire andû a Isiraeli nîmaaumire vûrûri wa Misiri.

Ntha 12:42

Ûtukû ûcio Ngai-Mûnene aararire arangîrîte andû a Isiraeli makiuma Misiri. Kwoguo mwaka wa mwaka andû a Isiraeli nîmamûrîte ûtukû ûcio nîûndû wa gûkumia Ngai-Mûnene. Na njiarwa cionthe cia andû a Isiraeli nîitûûra ciîkaga ûguo tene na tene.

Ntha 12:8

Ûtukû ûcio andû a Isiraeli makaarîa nyama cia tûtûrûme ivîvîtue, na irîcanîrue na manyenyi marûrû na mîgate îtarî mîkîre ndawa ya kwimbia.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 20:8

“Menyagîrîra mûthenya wa thavatû na ûwamûrage.

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 3:20

Nwatî nîngaavûthîra vinya wakwa nîguo mverithie Misiri na njîra ya gwîka maûndû ma kûmakania. Vuva wa gwîka ûguo nîmakaamûrekereria mûthiî.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Ntha 6:1

Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 7:4

Mûthamaki wa Misiri ndakaamûthikîrîria. Nanie nîngûretera andû a Misiri îvera rînene na ndongorie andû akwa ciana cia Isiraeli ciume vûrûri wa Misiri. Nîngeka maûndû manene nîguo nduîre vûrûri wa Misiri.

Jeremia 34:13

“Rîrîa narutire methe menyu vûrûrirî wa Misiri kûrîa maarî ngombo, nînarûthire kîrîkanîro nao ngîmera:

Danieli 9:15

“Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Mathaayo 10:12

Na mwatonya mûciî îrani arîa marî kuo atîrî, ‘Mûrogîa na thayû.’

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

1Akor 11:24

agîcokia ngatho kûrî Ngai, akîwenyûranga na akiuga atîrî, “Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîûndû wa kûndirikanaga.”

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

Aefeso 1:19

Mvoyaga mûmenye tue arîa twîtîkîtie ûrîa tûratethua nî vinya wake mwîngî. Vinya ûyû ûratûtethia, nwaguo vinya

Gûco 13:10

Nîmûkaamûraga na mathiga nîûndû nîageretie kûmûgucîrîria mûtige kûgooca Ngai-Mûnene Ngai wenyu ûrîa wamûrutire vûrûrirî wa Misiri kûrîa mwarî ngombo.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 16:1

“Kûngûagîrani mweri wa Abibu na njîra ya kîrugo Kîam pasaka. Na njîra îno, Ngai-Mûnene Ngai wenyu akaavecagwa gîtîîo. Mweri ûcio nîguo Ngai-Mûnene Ngai wenyu aamûrutire vûrûri wa Misiri ûtukû.

Gûco 16:12

Athîkagîrani maathani mama na kinyi na mûririkanage atî vîndî îmwe mwatûûraga Misiri mûrî ngombo.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Gûco 24:18

Ririkanani atî mwarî ngombo vûrûrirî wa Misiri na Ngai-Mûnene Ngai wenyu akîmûkûûra kuo. Kîu nîkîo gîtûmîte nîmwatha mwîke maûndû mama.

Gûco 24:22

Ririkanani atî mwarî ngombo vûrûrirî wa Misiri, na kîu nîkîo gîtûmîte nîmwatha mwîke maûndû mama.

Gûco 26:8

Ngai-Mûnene nîwatûrutire vûrûrirî wa Misiri na vinya na ûvoti wake. Nîwaringire ciama na morirû na agîka maûndû ma gwîkîra andû guoya nyîngî.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Gûco 5:6

‘Nie, nînie Ngai-Mûnene, Ngai wenyu ûrîa wamûrutire vûrûri wa Misiri, kûrîa mwarî ûkomborî.

Gûco 6:12

mûkeemenyerera nîguo mûtikariganîrwe nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 6:21

nîmûgaaciîra atî, ‘Tue twarî ngombo cia mûthamaki wa Misiri, na Ngai-Mûnene agîtûtethûra ûkomborî ûcio na ûvoti wake mûnene.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 9:12

“Ngai-Mûnene nîwacokire akîmbîra atîrî, ‘Ûkîra na ûnyûrûrûke ume gûkû kîrîmarî narua, nîûndû andû aku arîa warutire Misiri nîmekîte ûndû mûcûku; nîmatigîte wa rîmwe kûrûmîrîra mawatho marîa namaathire na nîmerûthîrîte mûvuanano.’

Josh 24:17

Ngai-Mûnene, Ngai wetû nîke warutire methe metû tene wa natue Misiri, kûrîa twatûûraga tûrî ngombo. Nîtwonire ciama nene irîa aaringire. Rûgendorî rwetû rwa gûka gûkû nîtwavîtûkîrîre mavûrûri meengî na kûu kuonthe nî Ngai-Mûnene, Ngai wetû watûgitagîra.

Atir 2:12

Nîmaatigire kûgooca Ngai-Mûnene ûrîa arî ke Ngai wa methe mao ma tene, ûrîa wamarutire vûrûrirî wa Misiri na makîambîrîria kûgooca ngai cia mîvuanano cia andû arîa maamathiûrûrûkîrîtie. Nîmaagoocire ngai icio na makîrakaria Ngai-Mûnene.

Atir 6:8

Ngai-Mûnene nîwamatûmîre mûrathi ameere atîrî, “Ngai-Mûnene, Ngai wa Isiraeli arauga atîrî, ‘Nînie naamûrutire ûkomborî vûrûrirî wa Misiri.