Ntha 13:21 - ÎVUKU RÎA ÛVORO MWARO

²¹ Mavinda ma mûthenya Ngai-Mûnene aathiîcaga mbere yao amatongoreretie arî gîtugîrî Kîam îtu. Útukû aamatongoragia arî gîtugîrî Kîam mwaki wa kûmonia ûtheri nîguo mathiîcage ûtukû na mûthenya.

Ntha 13:21 ပူးပေါင်းရင်းမြစ်များ

Nehemia 9:12

Mûthenya nîwamatongoragia na îtu, na ûtukû wamamûrîkagîra njîra na mwaki.

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Thaburi 105:39

Ngai nîwatambûrûkirie îtu îgûrû rîa andû ake, na mwaki wa kûmamûrîkîra ûtukû.

Thaburi 68:7

We Ngai, rîrîa watongoririe andû aku, rîrîa mwathiîrîre werûrî,

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Thaburi 78:14

Ngai aamatongoragia na îtu mûthenya, na ûtukû aamatongoragia na kîmûrî Kîam mwaki.

Thaburi 99:7

Nîwamaarîrie arî gîtugîrî gîa îtu; nîmaathîkîre kîrîra gîake na mawatho marîa aamaveere.

Ntha 10:10

Nake mûthamaki wa Misiri nîwaugire atîrî, “Nîngwîvîta na rîîtwa rîa Ngai-Mûnene atî ndingîtîkîra mûthiî na aka na ciana cienyu. Nîkûronania waro atî mue mûrenda kûgîa na mûgomo.

Ntha 16:10

Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Rwîmbo rwa Nyîmbo 3:6

Nîndûî kîîrîa kîrauma werûrî gîkariî ta mûthiringo wa ndogo, kîrî na mûtî mûnungo wa mare na ûbani, na maguta marîa mendagua nî andû arîa mendagia makîgûraga indo.

Ndari 10:34

Kuuma varîa meethagîrwa mambîte magema kûthiî varîa vengî, maathiîcaga matongoreretue nî îtu rîa Ngai-Mûnene mûthenya.

Ndari 14:14

nîmakeera andû arîa matûûraga vûrûri ûyû. Andû a vûrûri ûyû nîmarîkîtie kwîgua atî we, Ngai-Mûnene, wîthagîrwa ûrî vamwe natue, na atî we nîwonekaga rîrîa îtu rîaku rîarûngama îgûrû rîetû. Nîmeguîte atî ûthiîcaga ûrî mbere yetû na gîtugî Kîam îtu mûthenya, na ûtukû ûkathiî na gîtugî Kîam mwaki.

Gûco 1:33

ûrîa wathiîcaga amûtongoretie njîrarî akîmwonagia varîa mûkwamba magema menyu. Ngai-Mûnene nîwamûtongoragîria na kîmûrî Kîam mwaki ûtukû nîguo mwone gwa kûthiîra na akamûtongoreria na îtu mûthenya.

Gûco 31:8

Ngai-Mûnene nîke ûkaamûtongoria na ndakaamûtiganîria. Ndakaamûrekereria na ndakaamûtiganîria; kwoguo mûtigetigîre kana mûrwe nî vinya.”