Ntha 13:17 - ÎVUKU RÎA ÛVORO MWARO

¹⁷ Vîndî îrîa mûthamaki wa Misiri etîkîîre andû a Isiraeli mathiî, Ngai ndaamatongoria kûvîtûkîra vûrûrirî wa Afilisiti wana gwatuîka njîra îo nîyo yarî nguvî. Ngai aaugire atîrî, “Ndikwenda andû aya magarûrûka mecirie gûcoka Misiri matûngana na mbaara.”

Ntha 13:17 ပူးပေါင်းရင်းမြစ်များ

1Atha 8:47

mangîkeerira marî kûu vûrûrirî ûcio maavirirwe matavwa na makûvoye makiumbûraga ûrîa marî evia na marî aganu, nakûthaitha Ngai-Mûnene ûkaathikîrîria mavoya mao.

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

Ciîko 15:38

Nwatî Paûlo eeciragia tî waro mathiîcanie nake, nîûndû Maariko nîwaregete kûrutithania wîra nao na akîmatiga Pamufilia.

Ciîko 7:39

“Nwatî Musa ûcio nwake methe metû ma tene maaregire kwathîkîra. Nîmaamûregire na makîîrirîria gûcoka Misiri.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Gûco 28:68

Ngai-Mûnene nîakaamûcokia Misiri na meri, wana ethîrwa nîmwaugîte atî mûtigaacoka kuo rîngî. Na mûrî kûu, nîmûkevecana kûrî o nîguo mamûgûre mûtuîke ngombo cia nthû cienyu, nwatî gûtirî mûndû ûkaamûgûra.”

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

Atir 7:3

Kwoguo anîrîra kûrî andû onthe ûmeere atîrî, ‘Mûndû wa wonthe ûretigîra nîacoke mûciî.’ ” Nao andû ngiri mîrongo îrî na igîrî nîmaacokire mûciî, nwatî andû ngiri îkûmi nîmaatigirwe kuo.