Ntha 13:15 - ÎVUKU RÎA ÛVORO MWARO

¹⁵ Nîûndû vîndî îrîa mûthamaki wa Misiri aaûmirie ngoro na akîrega gûtûrekereria tûthiî, Ngai-Mûnene nîwaûragire marikithathi monthe ma Misiri, ma andû wana ma nyamû. Kîu nîkîo gîtûmaga tûrutîra Ngai-Mûnene magongoona ma marikithathi monthe ma nyamû nwatî tûgakûûra ma anake etû.

Ntha 13:15 ပူးပေါင်းရင်းမြစ်များ

Thaburi 105:36

Nîwaûragire marikithathi monthe ma anake vûrûrirî wao, marikithathi monthe ma mîciî ya andû a Misiri.

Ntha 12:29

Ûtukû gatagatî Ngai-Mûnene nîwaûragire arûme onthe arîa maarî marikithathi ma andû a vûrûri wa Misiri. Maakuire mambîrîrîtue nî mûvîcî wa mûthamaki wa Misiri ûrîa warî agaatigîrwa ûthamaki nginya îrikithathi rîa andû arîa maarî ove njeera. Marikithathi ma nyamû wa namo nîmaaûragirwe.

Ntha 3:19

Nîmbîcî atî mûthamaki wa Misiri ndageetîkîra mûthiî tiga nwa aringîrîrîtue gwîka guo.

Ntha 34:20

Nwatî îrikithathi rîa mvunda mûkaarîkûûraga na njîra ya gûtega ndûrûme vandûrî va mvunda îo. Ethîrwa mûtikaamakûûra nîmûgaaciuna ngingo. Marikithathi menyu monthe ma anake nîmûkaamakûûra. “Gûtirî mûndû ûgaaûka mbere yakwa atarî na kîndû Kîam matega.

Ntha 4:23

Nie naakwîrire ûreke andû akwa mathiî nîguo makangooce, nwatî nîwaregire. Rîu nîngûraga mwanake waku wa îrikithathi.’ ”

Ndari 18:15

“Marikithathi monthe ma anake kana ma nyamû cia nûme marîa ngaarutagîrwa nî andû a Isiraeli makethagîrwa marî menyu. Nwatî nwanginya mûrutage îrîvi rîa gûkûûra marikithathi monthe ma anake, na mûrutage îrîvi rîa gûkûûra marikithathi monthe ma nyamû cia nûme irîa irî mûgiro.

Ndari 3:46

Nîûndû marikithathi ma andû a Isiraeli nî eengî kûrî Alawi na makîria ya andû magana maîrî ma mîrongo mûgwanja na athatû (273), nwanginya ûkûûre andû acio marî îgûrû.