Ntha 13:11 - ÎVUKU RÎA ÛVORO MWARO

¹¹ “Ngai-Mûnene nîakaamûkinyia vûrûri wa Kanaani ûrîa aamwîrîîre mue wana methe menyu ma tene atî nî akaamûva, mwakinya kuo,

Ntha 13:11 ပူးပေါင်းရင်းမြစ်များ

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Thaburi 105:42

Nîwaririkanire kîrîkanîro gîake kîtheru, kîrîa eerîre ndungata yake Iburahimu.

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Ndari 11:12

Tînie naûmbire andû aya kana ngîmaciara! Nîndûî gîatûmire ûndua ta ng'ina wao nîmakuuage ta tûkenge nîmavire vûrûri ûrîa werîre methe mao ma tene na mwîvîtwa atî nîûkaamava?