Ntha 13:10 - ÎVUKU RÎA ÛVORO MWARO

¹⁰ Kwoguo kûngûagîrani kîrugo gîkî rîrîa îvinda rîrîa rîakîo rîakinya mwaka wa mwaka.

Ntha 13:10 ပူးပေါင်းရင်းမြစ်များ

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 12:17

Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 12:42

Ûtukû ûcio Ngai-Mûnene aararire arangîrîte andû a Isiraeli makiuma Misiri. Kwoguo mwaka wa mwaka andû a Isiraeli nîmamûrîte ûtukû ûcio nîûndû wa gûkumia Ngai-Mûnene. Na njiarwa cionthe cia andû a Isiraeli nîitûûra ciîkaga ûguo tene na tene.

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Alawi 23:6

Mûthenya wa îkûmi na îtano nîguo mûthenya wa pasaka ya Ngai-Mûnene. Mûtiagîrîrwe nî kûrîa mîgate îrî na ndawa ya kwimbia îvinda rîa mîthenya mûgwanja.