Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ntha 12:48 - ÎVUKU RÎA ÛVORO MWARO

48 Mûgeni ûrîa ûkethîrwa atûûrîte gatagatîrî kenyu na ende gûkûngûîra pasaka akumie Ngai-Mûnene, mue nîmûkaamba kûruithia arûme onthe a mûciî ûcio. Mûndû ûcio nîagaacoka atuwe ta mûndû ûciarîrîtwe kwa andû a Isiraeli na nwa mûkûngûîre pasaka mûrî vamwe nake.

အခန်းကိုကြည့်ပါ။ ကော်ပီ




Ntha 12:48
12 ပူးပေါင်းရင်းမြစ်များ  

Mûkaaruaga gîkonde Kîam îgûrû gîa ciîga cia ûciari na rûu nîruo rûkethagîrwa rûrî rûûri rwa kîrîkanîro gîakwa namue.


Twana tuonthe twenyu twa tûvîcî tûrî na ûkûrû wa mîthenya înana, wa vamwe na twana twa ngombo kana twa ageni tûrîa tûciarîrîtwe kwenyu tûkaarwithagua.


Mîthenyarî îo mûgwanja gûtiagîrîrwe nîkwîthîrwa kûrî na ndawa ya kwimbia mîgate nyombarî cienyu. Nîûndû mûndû wa wonthe ûkaarîa mîgate îkîrîtwe ndawa ya kwimbia wana ethîrwa nî mûgeni kana aciarîrîtwe vûrûrirî ûcio nî akaavinyûrua aume kûrî andû a Isiraeli.


Ngai-Mûnene nîwerire Musa na Aroni atîrî, “Mama nîmo mawatho ma pasaka: Gûtirî mûgeni ûkaarîa irio cia pasaka,


“Mûndû wa wonthe wa nyomba ya Isiraeli, kana ageni arîa matûûranagia na Aisiraeli angîndiganîria na ambîrîrie kûgooca mîvuanano na îtûme evie, na mûndû ûcio athiî kûrî mûrathi akamûrie ûtaaro, nie Ngai-Mûnene nîngamûcokeria.


“Kwoguo nie Ngai-Mûnene nauga atî, gûtirî mûndû wa ndûrîrî ûrîa ûtaruaga ûgaatonya hekarûrî yakwa, wana ethîrwa arî mûgeni ûrîa ûtûûraga gatagatî ka andû a Isiraeli.”


Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.


Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.


“Ethîrwa kûrî mûgeni ûtûûrîte kwenyu na nwa ende gûkûngûîra Pasaka ya Ngai-Mûnene nwanginya amîkûngûîre kûringana na ûrîa watho wa Pasaka uugîte. Kwoguo gûkaarûmagîrîrwa watho ûmwe nî mue wana ageni.”


Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.


Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ